Qazaqstan káristeri birlestigi tóraǵasynyń keńesshisi Georgıı Kan Qazaqstan halqy assambleıasy prezıdent joldaýyn júzege asyrý boıynsha qandaı is-sharalar atqaratynyn aıtyp ótti.

– Bıylǵy jyl tragedıalyq oqıǵalarmen bastalǵanyn bilemiz. Memleket basshysy bıyl, bir jylda halyq aldyna eki joldaýmen shyqty. Alǵashqysy qańtardaǵy oqıǵalardan keıin naýryzdyń 16-synda tanystyryldy. Sol jerde alǵash ret "Jańa Qazaqstan" baǵdarlamalyq tezısy týraly aıtyldy. Al 1 qyrkúıektegi joldaýda "Jańa Qazaqstan" baǵdarlamasy naqtylanyp, júıelene tústi. "Ádiletti Qazaqstan" túsinigi týraly kóp sóz boldy. Ál ádiletsizdik qańtar oqıǵasyna birden-bir sebep bolǵan faktor. Ult baılyǵy ádiletsiz bólingeni tilge tıek etildi. Al joldaýda aıtylǵan ár azamatqa teń múmkindik berilýi kerektigi, ádilet ornaý qajettigi týraly bastamalar adamdardy yntalandyrady. Joldaýda sondaı-aq adamdardyń sanasy, kóńil-kúıi ózgergenin, naqty is keregine basa nazar aýdarylǵan. Jańa adamdar, birlik kerek, – deıdi ol.

Georgıı Kan qazirgi ýaqytta respýblıkalyq, qalalyq Dostyq úılerinde joldaýdaǵy mindetterdi oryndaý boıynsha tıisti jumystardy aıqyndaý úshin kezdesý, talqylaýlar ótip jatqanyn aıtady.

– Bul jerde ár etnostyń jumyla kiriskeni asa mańyzdy. 1 qyrkúıek joldaý jarıalansa, araǵa 10 kún salyp, 11 qyrkúıekte Almatyda kárister sezin ótkizdik. Oǵan aımaqtardan delegattar kelip, joldaýdy talqylap, kárister qaýymdastyǵy, mádenı birlestikter joldaýdy oryndaýdaǵy ár adamnyń qyzmeti týraly keńestik. Aınalaǵa qarap, álemde ne bolyp jatqanyn qarasaq, Qazaqstan býyrqanǵan ortadaǵy turaqtylyq kórinisi bolyp otyrǵanyn baıqaımyz. Alda prezıdent saılaýy kele jatyr. Ol jerde de jańa baǵdarlamalar bar. 7 jyldyq, biraq bir ǵana merzim, jańa parlament, jańa máslıhat týraly aıtyldy. Bul jerde de senim mandaty kerek. Bolashaǵymyz osy oqıǵalarǵa tyǵyz baılanysty. Sondyqtan búginde osy ózekti máselelerdi sheshýden asqan mańyzdy sharýa joq. Bul iske bárimiz jumylyp kirisip kettik. Halyqtyq koalısıa usynǵan Qasym-Jomart Toqaevtyń kandıdatýrasyn qoldaımyz. Buny halyqtyq koalısıa quramyna kiretin assambleıa qalaı qoldamaıdy... Qazirgi tańda ózimizdiń qurylymdyq jaǵdaıymyzǵa qaraı naqty josparymyz bar. Árıne biz ózimizge tıisti emes qarjy mınıstrliginiń, eńbek mınıstrliginiń máselesin sheshe almaspyz, biraq biz bárine atsalysa alamyz. Biz keshe ǵana Atyraýda káris mádenı ortalyǵynda boldyq. Ol jerde Qazaqstan men Koreıa respýblıkalary arasyndaǵy dıplomatıalyq qarym-qatynas ornaǵanyna 30 jyl tolýyna oraı, joldaýdy júzege asyrýǵa baılanysty  arnaıy is-sharalar uıymdastyryldy. Oblys ákimimen jolyǵyp, ol jerde Koreıaǵa jumysqa baryp jatqan otandastyrymyzdyń qyzmetin zańdastyrý jaǵyn talqyladyq. bunyń bári Jańa Qazaqstanda azamattardyń jaıly jaı-kúıin qamtamasyz etý baǵytyndaǵy sharýalar. Bıylǵy joldaý baǵdarlamalyq stretegıanyń algarıtmi bolyp otyr. Sony basa nazarǵa alyp, jumys júrgizsek boldy, basqa birdeńe oılap tabýdyń qajeti joq. Árkim óz salasynan atsalyssa, sonda Jańa Qazaqstandy quramyz, – Georgıı Kan Almatydaǵy ortalyq komýnıkasıalar qyzmetindegi brıfıńte.