Opozısıalyq saıasatker, tirkelmegen Demokratıalyq partıanyń jetekshisi Janbolat Mamaı úı qamaqqa jiberiletin boldy. Bul týraly Qamshy tilshisine belsendiniń jubaıy, jýrnalıs, quqyqqorǵaýshy Inga Imanbaı jetkizdi.

Inga Imanbaıdyń aıtýynsha, Janbolat Mamaıǵa qatysty bultartpaý sharasy kúzetpen ustaýdan úıqamaqqa aýystyrylǵan. Aldaǵy ýaqytta soty bolmaq.

Janbolat Mamaı toǵyz aıdan beri qamaýda otyr. Oǵan zańsyz mıtıń uıymdastyrdy, polısıaǵa til tıgizdi, jalǵan aqparat taratty degen aıyptar taǵylyp otyr. Jýyrda Janbolat Mamaıǵa taǵylǵan "jappaı tártipsizdik uıymdastyrdy" degen aıyp "Beıbit jıyn ótkizý tártibin buzý" babymen aýystyrylǵan. Inga Imanbaı bılik mundaı qadamǵa halyqaralyq qysymnan keıin bardy dep sanaıdy.

Belsendiniń ózi birde-bir aıypty moıyndamaıdy. Ózin qýdalaýdyń saıası astary bar dep sanaıdy.