Úkimettik emes sektor qyzmetiniń damý dınamıkasy jaıynda sóz bolǵanda, ádette eń aldymen atalǵan salanyń qyzmet júıeliligin rettep otyratyn jetildirilgen zańnama, memleket pen uıymdar arasyndaǵy ekijaqty tıimdi baılanys, sonymen qatar úkimettik emes uıymdar isin qadaǵalaý, esep berý mehanızmi syndy dúnıeler qarastyrylady. Bul týraly Qamshy portaly Aıqyn-aqparatqa silteme jasaı otyryp habarlaıdy.

Sebebi, memlekettik organdar men úkimettik emes uıymdar arasyndaǵy ekijaqty tıimdi mehanızm oryn alǵanda ǵana atalǵan sala joǵary nátıjesin bere alady.

Alaıda elimizdegi úkimettik emes sektor sa­la­synda mundaı máselelerge jaýap izdeý barysynda qı­nalatynymyz sózsiz jáne munyń sebebi bar. Má­selen, tirkelgen ÚEU sany 20 myńnan asyp jy­ǵylsa da, memlekettik organdarǵa uıymdarmen ju­mys jasaý áli kúnge deıin kúrdeli, sebebi atalǵan uıym­dardyń jumys jasaý baǵyty men mehanızmderi týraly aıtý qıyn. Ádette, kóptegen damyǵan mem­leketterde úshinshi sektor qyzmetin baqylaýǵa ar­nalǵan úkimet janynan arnaıy departament nemese qa­daǵalaý organdary jumys jasaıdy. Atap keter bolsaq, Ulybrıtanıada mınıstrlikter janynda «Úshin­shi sektor departamenti», al Horvatıada «úshin­shi sektor komıteti» syndy arnaıy memle­ket­tik organdarmen qatań qadaǵalanady, al AQSH shtattarynda sala qyzmeti mýnısıpaldyq deńgeı­de máselelerdi sheshý úshin lısenzıalanady jáne mundaı júıe óz kezeginde memleket tarapynan uıym­dar isin qadaǵalaýǵa múmkindik beredi. Bul oraı­da bizdiń elde salyq jáne statısıka komı­tetteri tarapynan úkimettik emes uıymdardan jyl­dyq qatań esepteme talap etilmeıdi, eń bastysy, óz ýaqytynda salyq deklarasıasyn ótkizse bolǵany, bir qyzyǵy deklarasıada eshbir sandyq kórset­kish­ter aıshyqtalmaǵan. Múmkin, osy sebepten de bolar, eli­mizdegi áleýmettik qyzmet kórsetý naryǵynyń ba­sym bóligi áli kúnge deıin memlekettik organ­dar­dyń yqpalyna tıesili. Al uıymdar quzyryna áleý­mettik memlekettik tapsyrys aıasynda ǵana júze­ge asyrylatyn jobalar qarastyrylǵan. Qar­jy­landyrýdyń atalǵan bir ǵana túriniń bolýy, qazirgi ýaqytta úshinshi sektor qyzmetiniń nátıjeli ju­mys jasaýyna tosqaýyl bolyp otyrsa, ekinshi jaǵynan memleketke de azamattyq qoǵam deńgeıin kóterýge kedergiler keltirip otyrǵany sózsiz. 
Búginde álemdik tájirıbe úshinshi sektor sala­synyń nátıjeli jumys jasaýy úshin qarjylandyrý men donorlar tartý isinde kóptegen múmkindik ja­sap otyr. Máselen, Eýropanyń damyǵan mem­le­ket­terinde normatıvtik akt aıasynda ÚEU-ǵa sýbsıdıa, grant pen syıaqy qarastyrylǵan jáne halyqara­lyq, jergilikti donorlar arqyly úkimettik emes sala qyzmetin jandandyrý isi de qolǵa alynǵan. Eli­mizde Mádenıet jáne sport mınıstrligi usyny­symen úkimettik emes sektor isine arnalǵan «Qazaq­stan Respýblıkasynyń keıbir zańnamalyq akti­le­rine úkimettik emes uıymdardyń qyzmeti máseleleri boıynsha ózgerister men tolyqtyrýlar engizý bo­ıyn­sha» úkimet qaraýyna tapsyrylǵan zańnamalyq tolyq­tyrýlar aldaǵy ýaqytta sala qyzmetiniń jańa sıpatta damýyna úles qosady degen senim mol. Se­bebi, jańa zańnamalyq tolyqtyrýlar biryńǵaı ope­ratordy iske qosýdy qarastyryp otyr. Ope­rator memleket jáne halyqaralyq donorlar seni­mine ıe bolǵan, úkimettik emes uıymdardyń ıgiligi úshin qyzmet etetin bolady. Atalǵan tolyqtyrýlar Qazaqstannyń Azamattyq Alánsy tarapynan usynylǵanymen respýblıka boıynsha úkimettik emes uıymdar arasynda da keń talqylaýlarǵa tústi. Máselen, zańnama boıynsha 3500 BAQ jáne ınter­net resýrstarynda baspalyq maqalalar jáne 50 vıdeokonferensıa jaryqqa shyqty. Endigi tusta uıym­dar qyzmetiniń damý dınamıkasy jańa jumys júıesimen tikeleı baılanysty. Qazirgi ýaqytta uıymdardyń sandyq kórsetkishin ǵana emes, naqty jumys jasaýshy uıymdar sanyn, qyzmet salasy, jú­zege asyrǵan jobalary syndy qundy aqparat­tar­dy jınaqtaý úshin birneshe aı buryn Mádenıet jáne sport mınıstrligi memlekettik áleýmettik tapsy­rys negizinde «Nur Otan» partıasy saıası me­nedj­ment mektebine júzege asyrýyna tapsy­ryl­dy. Jyl sońynda úkimettik emes sektor qyzmetiniń búgin­gi jaı-kúıin tolyq kóre alatyn bolamyz. Óz kezeginde jasalynǵan monıtorıń jańa qabyl­danatyn zańnama boıynsha ınovasıalyq baǵytta jumys jasaıtyn bolady.