Kez kelgen jastyń armany – dáýlet pen baq, jarqyn bolashaq bolsa kerek. Bul – maqsaty bıik, talaby keńge, bilimi tereń, eńbegi kópke buıyratyn dúnıe. Bul týraly Qamshy portaly Aıqyn-aqparatqa silteme asaı otyryp habarlaıdy.

«Nur Otan» – kóshbasshy partıa retinde jas, jasampaz, jigerli qazaqstandyqtarǵa qoldaý kórsetip keledi. Osy baǵyttaǵy partıalyq jobalardyń biri – «Jas Otan» jastar qanaty arqyly iske asyrylyp jatqan «Jastar kadrlyq rezervi» bolyp tabylady. Keshe «Nur Otannyń» Astana qalalyq fılıaly ǵımaratynda baıqaý komısıasy kadrlyq rezervke kirýge úmittilermen suhbattasýǵa kiristi.   

– Kadrlyq rezervke kirýge 17-28 jastaǵy qazaqstandyqtar úmittene alady, – deıdi «Jas Otan» jastar qanaty hatshylyǵynyń ókili, jastar jobalary bóliminiń eksperti Ulan Baldahov. – Joba búkil Qazaqstandy qamtıdy, tıisinshe, barlyq óńir­lerde úmitkerlermen áńgimelesýler júrýde. Búgin suhbattasýdyń Astanadaǵy kezeńi bastaldy. Eki kún ishinde biz barlyq úmitkerlermen suhbattasyp shyǵamyz. Bir elor­danyń ózinde «Jastar kadrlyq rezervi» saıty arqyly 125-ten astam adamnyń ótinishi tirkeldi. Degenmen bizge ár óńirden tek eki, al búkil Qazaqstan boıynsha barlyǵy 32 adamdy ǵana iriktep alýymyzǵa týra keledi. 
Alǵashqy synnan súrinbeı ótkender kelesi «bilim berý» kezeńin­de kásibı basqarýshylardyń bilik-mashyqtarynyń negizderin meń­geredi. Bul keıin olarǵa memlekettik basqarý qurylymdarynda, jeke sektorda óz áleýetterin jarqyrata ashyp kórsetýge kómektesedi. 
– Biz rezervke kirgen jastardyń tulǵalyq ósýine járdemdesemiz. Bul iste partıanyń Saıası menedjment mektebi, Memlekettik basqarý akademıasy qolǵabys etedi. Munyń syrtynda «rezervıserdi» baptaý, olardan bolashaq basqarýshylar jasaý úshin shetelden jattyq­tyrýshylardy, psıhologtardy tartamyz» – deıdi U.Baldahov.  
Jalpy, «Jastar kadrlyq rezervi» partıalyq jobasy óziniń tabystylyǵyn dáleldedi. Búginde oǵan 372 jas basqarýshy kirip otyr. «Rezervıser» memlekettik qyz­metke, ulttyq kompanıalar men holdıńterge jumysqa ornalasyp, abyroıly eńbek etýde. Munyń syrtynda joba túlekteriniń bir­qatary óz bıznesterin ashty. Óıtkeni joba aıasyndaǵy bilim berý, jat­tyqtyrý úderisi olarǵa ómirdegi óz ornyn anyqtaýǵa múmkindik beredi, sol joldaǵy ary qaraıǵy batyl qadamdarǵa baǵdarlaıdy.
– Máselen, Mańǵystaý obly­synan qatysqan Lıana Shýlıkova bizdiń trenıńterden keıin óz isin ashty. Qazir onyń Batys Qazaqstan óńirinde tabysty damyp jatqan tól holdıńi bar, olar jas adamdardyń stılin, ımıjin túzedi: jastarǵa ózin qalaı salmaqty ustaýdy, kórnekti kóriný úshin qandaı kıim kıip, tipti qandaı shash qoıý úlgisin ustaný kerektigin úıretedi, – deıdi «Jas Otan» hatshylyǵynyń ókili.     
Onyń málimetinshe, jastar rezervindegi azamattardyń birqatary memlekettik qyzmetke turdy. My­saly, jobanyń byltyrǵy túlegi Svetlana Gladysheva Aqsý qalasy ákiminiń áleýmettik máseleler jónindegi orynbasary laýazymyna deıin joǵarylady. 
«Jastar kadrlyq rezervi – 2015» jobasynyń jańalyǵy – stýdenttik aýdıtorıaǵa basymdyq berilip otyr. Oǵan sondaı-aq jastar uıym­darynyń jetekshileri qatysýda.
– Byltyr jasy 25-29 ara­lyǵyndaǵy, ómirlik jáne kásibı tájirıbesi bar jastarǵa baǵ­darlansaq, bıyl kolej, ýnı­versıtetterde oqyp júrgen jas­tardy kóbirek qamtymaqpyz. Eger olar bolashaqta elimizdiń bas­qarýshylary qatarynan oryn alýdy qalasa, soǵan qulshynsa, qazirden bastap tárbıeleýge, baýlýǵa tıispiz. Oqý ornynda júrip, mundaı tá­jirıbelik biliktilikke qol jetkizý qıyndaý. Biz olarǵa memorgandar men qurylymdarda tájirıbeden, taǵylymdamadan ótýge, keıin jumysqa turýǵa járdemdesemiz. Eger jas adam jigerli, talapty, maq­satshyl bolsa, óz muratyna jetedi. Al «Nur Otan» partıasy «rezer­vısterdiń» memorgandarda, ulttyq kompanıalarda, Parlamentte tájirıbeden ótýine kómektesedi, – dedi Ulan Baldahov.
Keshe suhbattasýdan alǵash­qylardyń biri bolyp, elordalyq zań ýnıversıtetiniń halyqaralyq quqyq fakúltetiniń stýdenti Valerıa Voloshına ótti. Ózi memlekettik tildi jaqsy-aq meńgeripti.  
– Meniń dos qyzdarymnyń biri­ne mansap satysy boıynsha ósýge «Nur Otan» partıasy jastar qana­tynyń osy kadrlyq rezervi kómek­testi. Ol biz úshin jetistikke jetýdiń baǵ­daryna aınaldy. Sondyqtan men de baǵymdy synap kórýge uıǵardym. Munyń syrtynda kóshbasshy partıa jastarǵa arnalǵan basqa da joba­lardy júzege asyrýda. Solarǵa da qatyspaq nıetim bar. Olar jaýap­kershilik, maqsatkerlik, eńbek­súıgishtik qasıetterine ıe jastardy qoldaıdy, – deıdi Valerıa.
Baıqaý komısıasynyń múshesi, Astana qalasy Jastar saıasaty máseleleri basqarmasynyń bas­shysy Talǵat Rahmanberdi de par­tıalyq jobaǵa joǵary baǵa beredi: 
– Astana – jastar qalasy. Elorda turǵyndarynyń 30 paıy­zynan astamy – 14 pen 29 ara­lyǵyndaǵy jas azamattar. Par­tıanyń «Jastar kadrlyq rezervi» olarǵa óz ornyn tabýǵa, áleýetin iske asyrýǵa, nátıjesinde tek óz ómirin jaqsartyp qana qoımaı, sondaı-aq elordanyń jáne eldiń órkendeýine úles qosýǵa jol ashady. Mundaı izgilikti sharalardy biz, Astana ákimdigi qoldaımyz! 
T.Rahmanberdi suhbattasý kezinde úmitkerlerdi qandaı ólshem-krı­terııler boıynsha baǵa­laıtynyn aıtyp berdi: «Aqyl jastan demeı me, jas adamnyń aıtatyn oıy jańa, al sózdik qory sony laıyqty jetkizýge jetkilikti bolýǵa tıis. Sonymen birge úmit­kerdiń osy ýaqytqa deıin jetken jetistigine, qoǵamdyq istegi bel­sendiligine qaraımyn. Aldyna qandaı maqsat qoıyp otyrǵany da nazar aýdartady. Degenmen maqsat qoıýmen shektelmeı, oǵan jetý jol­daryn bilý mańyzdy». 
Sondaı-aq ol Astana ákimdiginiń ókili retinde jas mamannyń tańdaǵan mamandyǵyna da nazar aýdarady eken: «Sebebi bizdiń qala naryǵynda belgili bir kásip ıelerine muqtajdyq úlken, suranys kóp. Olar – tehnı­kalyq, ınjenerlik, qurylys maman­dyq­tary. Elordada dárigerler, bas­taýysh synyp muǵalimde­ri je­­tis­­­peıdi. Osylardyń barlyǵyn eskere kele, bir sheshimge kelemiz» dedi ol.
2008 jyly «Nur Otan» partıasy janyndaǵy «Jas Otan» jastar qa­natynyń İ sezinde Memleket bas­shysy, partıa Tóraǵasy N.Nazar­ba­ev jastar qatarynan «memlekettik basqarý júıesi, bıznes jáne qo­ǵamdyq qyzmet salasy úshin qajetti zamanaýı jáne tıimdi basqarý­shylardyń jańa býynyn qalyp­tastyrý» mindetin qoıǵan bolatyn. Osy oraıda «Jas Otan» «Jastar kadrlyq rezervi» jobasyna bas­tamashy boldy. 
2009 jyldan beri júzege asy­rylyp kele jatqan bul joba kásibı mashyqtar men basqarýshylyq biliktilikke ıe, mansap satysymen joǵarylaýǵa yntaly, oqyp-úırenýge beıim, saraptamalyq oılaý qabileti jáne aıqyn ańǵarylatyn kósh­basshylyq qasıetteri bar jastarǵa arnalǵan. 
6 jyl ishinde «Jastar kadrlyq rezervine» enýge 10 myńnan asa jas ótinish bildirdi. Joba qolǵa alyn­ǵaly beri 372 adam ashyq irikteýden, testileýden ótti, oqý modýlderine qatysty, kásibı biliktilikteri ba­ǵalandy. Ártúrli uıymdarda taǵy­lymdamalardan ótti. 
Endi jobanyń jańa tolqyny bastaý alyp otyr.