Ýkraınada kóktemge deıin elektrenergıasy jetispeı, mıllıondaǵan adam jylýsyz qalýy múmkin

/image/2022/11/22/crop-9_1_348x620__127732667_mediaitem127732666.jpg

Dúnıejúzilik densaýlyq saqtaý uıymy Eýropa bóliminiń basshysy Hans Henrı Klúge Reseı Ýkraınanyń energetıkalyq ortalyqtaryna shabýyl jasap, olardy isten shyǵaryp jatqanynyń saldarynan aldaǵy qysta mıllıondaǵan ýkraınalyqtyń ómirine qaýip tónip turǵanyn málim etti.

Onyń aıtýynsha, Ýkraına energetıka ınfraqurylymynyń jartysy ne búlingen, ne tolyq qıraǵan. Bul – qazirdiń ózinde densaýlyq saqtaý júıesi men adamdardyń ómirine áserin tıgizip otyr.

DDSU málimetinshe, osy qysta eki-úsh mıllıon ýkraınalyq sýyq úıin tastap, jansaýǵalap ketýi múmkin. Jaryq pen jylýdyń joqtyǵy tumaý men koronavırýsty qozdyrýy yqtımal.

Qazirdiń ózinde jaryq pen sý jetispeýinen júzdegen aýrýhana durys jumys isteı almaı otyr.

Birer kúnde Ýkraınaǵa qar jaýyp, aýa temperatýrasy nólden tómendegen. Qysta 20 gradýsqa deıin aıaz bolýy múmkin.

Reseı shabýyly saldarynan Ýkraınadaǵy elektrenergıasynyń 25 paıyzyn óndirip kelgen Zaparoj AES-i qazir múlde istemeıdi. Qazirgi ýaqytta Kıev, Vınnısk, Sýmsk, Ternopols, Cherkassk, Odessa oblystarynda jaǵdaı qıyn.

Ýkraınanyń energetıkalyq Yasno kompanıasynyń basshysy elektrenergıasynyń tapshylyǵy kóktemge deıin jalǵasýy múmkin ekenin, Reseı jańa shabýyldar jasamasa, elektrenergıa tapshylyǵyn el aýmaǵyna teńdeı bólip, jaryqty turaqty túrde, biraq az ýaqytqa sóndirý arqyly tolyq óshirýdiń aldyn alýǵa bolatynyn atap ótti. Al shabýyl jalǵassa, jaryq uzaq ýaqytqa bolmaýy múmkin ekenin jetkizdi.

El prezıdenti Vladımır zedenskıı elektrenergıasyn únemdep paıdalanýǵa shaqyryp otyr.

Derekkóz: VVS

Ýkraınada kóktemge deıin elektrenergıasy jetispeı, mıllıondaǵan adam jylýsyz qalýy múmkin

Qatysty tegter :

Pikir qaldyrý

Qatysty Maqalalar