SİM basshysynyń orynbasary Roman Vasılenko Qazaqstandy "Ýkraınadan keıingi problema" dep ataǵan reseılik telearnanyń málimdemesine qatysty pikir bildirdi. 

"Bizdiń oıymyzsha, bul birinshiden, Reseı bıliginiń resmı ustanymy emes. Ekinshiden, bul Qazaqstan men Reseıdiń dástúrli tyǵyz qarym-qatynasyna nuqsan keltiredi. Úshinshiden, Reseı bıliginiń oǵan reaksıa bildirgeni jón dep sanaımyz" dedi jýrnalıserdiń suraqtaryna jaýap bergen Roman Vasılenko.

Buǵan deıin áleýmettik jelide "Vecher s Vladımırom Solovevym" atty Reseıdiń memlekettik arnasynda shyqqan habardan úzindi jarıalanǵan bolatyn. Tok shoýǵa qatysýshylar Qazaqstanda da Ýkraınadaǵydaı "nasıstik" prosester bastalýy múmkin ekenin aıtyp, "Ýkraınadan keıingi másele – Qazaqstan" dep málimdegen.