Kásipker Marat Ábıev "beıbit jıyn ótkizý tártibin buzý" jáne "bılik ókiline baǵynbaý" baptary boıynsha aıypty dep tanyldy. Astana qalasynyń mamandandyrylǵan aýdanaralyq soty kásipkerdi 15 táýlikke qamaýǵa alý jóninde sheshim qabyldady.
26 qarashada Astanada ózderin "Bolashaq sáýletshileri" dep ataǵan belsendiler mıtıńke shyqqany habarlanǵan. Sol sátte qalada stasıonarlyq jáne mobıldi ınternet bir saǵat boıy istemegen.
Belsendilerge kásipker Marat Ábıev basshylyq etken. Ol el bıligin aýyl sharýashylyǵyn damytý jobasyn tezirek qabyldaýǵa nazar aýdartý úshin mıtıń uıymdastyrǵan. Memlekettik tehnıkalyq qyzmet ınternettiń óshýin "tehnıkalyq avarıa" dep túsindirgen. Keıinnen Astana polısıasy mıtıńke 300 adam qatysqanyn, ustalǵandar quqyq qorǵaý organdarynyń qyzmetkerlerine qarsylyq bildirgenin málimdedi.
Pikir qaldyrý