Almaty qalasy Din ister jónindegi basqarmasynyń qoldaýymen jáne «Adam jáne qoǵam» qoǵamdyq uıymynyń uıymdastyrýymen  Destrýktıvti dinı aǵymdar ıdeologıasynyń bedelin túsirý jáne dástúrli qundylyqtardy nasıhattaý maqsatynda qala meshitterinde din salasyndaǵy mamandardyń qatysýymen dindar áıeldermen keshendi sharalar ótkizilýde.

Osyǵan oraı, 5 qazan kúni Almaty qalasy Alǵabas meshitinde 20-ǵa jýyq dindar áıelderdiń qatysýymen «Ulttyq jáne dinı dástúrlerdiń ushtasýy» taqyrybynda dáris ótkizildi.

İs-shara barysynda, qatysýshylar dáris berýshige ózekti suraqtaryn qoıyp, taqyryp boıynsha talqylanýlar júrgizilip qanaǵattanatyndaı jaýaptaryn alyp otyrdy. Dáris kezinde din men dástúrdiń aıyrmashylyǵy týraly aıqyndalyp aıtyldy. Din ol adamdyq izgi qasıetterimizdi asqaqtatsa, salt-dástúr – ult bolyp qalyptasýymyz úshin qajet, jáne ár halyqtyń ózine tán, qoǵamnyń damýyna baılanysty erekshelikteri bolady. Qazaq – ulttyq dástúrge erekshe mán beretin halyq ekeni týraly jáne dinimiz ben dástúrimiz ózara ushtasyp jatqany jaıly qatysýshylarǵa jetkizildi.

Joǵaryda atap ótilgen is-shara boıynsha, fılos.ǵ.k., ál-Farabı  atyndaǵy QazUÝ, Dintaný jáne mádenıettaný kafedrasynyń aǵa oqytýshysy Qantarbaeva Janna Orynbasarovna taqyryp boıynsha dáris oqydy.