Almaty qalasy Din ister jónindegi basqarmasynyń qoldaýymen jáne «Adam jáne qoǵam» qoǵamdyq uıymynyń uıymdastyrýymen Destrýktıvti dinı aǵymdar ıdeologıasynyń bedelin túsirý jáne dástúrli qundylyqtardy nasıhattaý maqsatynda qala meshitterinde din salasyndaǵy mamandardyń qatysýymen dindar áıeldermen keshendi sharalar ótkizilýde.

9 qyrkúıek kúni Almaty qalasynyń Abaı Qunanbaıuly meshitinde 20-ǵa jýyq dindar áıelderdiń qatysýymen «Dástúrli qundylyqtardy ulyqtaý-dúnıetanymǵa jat bolǵan aǵymdardan saqtaný» taqyrybynda dáris ótkizildi.

Dáris barsynyda dástúrli qundylyqtyń mán maǵynasyn ashyp, ereksheligin atap ótti. Álemdegi kez kelgen damyǵan eldi alyp qarasańyz, ony damytqan da, kóptegen salalardan ozyq etken de sol eldiń qundylyǵy ekenin umytpaýymyz qajet. Óıtkeni qundylyqtardyń basty fýnksıasy eldiń turaqtylyǵyn saqtaý, rýhanı jaǵynan qaýipsizdikti qamtamasyz etetin, jat bolǵan dúnıetanymnan alystatyn basty qural.

Ár eldiń dástúrli qundylyǵy olardyń shyqqan tegine, ustanǵan dinine, olardyń jynysyna qaramaı, búkil adam balasyna ortaq dúnıe bolyp tabylady.

Shara barysynda, qatysýshylar ózderiniń kókeıinde júrgen ózekti suraqtaryn qoıyp, naqty jaýaptaryn alyp otyrdy.

Dáristi, fılosofıa ǵ.k., ál-Farabı atyndaǵy QazUÝ, Dintaný jáne mádenıettaný kafedrasynyń  aǵa oqytýshysy Qantarbaeva Janna Orynbasarovna oqydy.

Qundylyqtar adamzattyń damý tarıhy men ómir salt zańdylyqtaryn aıqyndaıdy. Qundylyǵy bolmaǵan qoǵam erteńgi kúni kúıreýge ushyraıtyn qoǵam bolady. Qundylyq syrtqa kúshtiń áserimen emes, óz aralarynda jaryp shyǵatyn dúnıe bolyp esepteledi.