Almaty qalasynda aqyn, sazger, Qazaqstan jýrnalıser odaǵynyń múshesi Erlan Tóleýbaıdyń "Uly dala urany" atty shyǵarmashylyq keshi ótti. 

Kesh aıasynda Erlan Tóleýbaıdyń ánderi oryndalyp, 30 patrıottyq týyndydan turatyn úntaspasy men "Saǵan keldim ata jurt" atty ánine túsirilgen beınebaıannyń tusaýy kesildi.

Úntaspanyń tusaýyn qoǵam qaıratkerleri men zıaly qaýym ókilderi kesip, sazgerge shyǵarmashylyq tabystar, bıik belesterden kórinýin tiledi.

Belgili aqyn, qoǵam qaıratkeri Muhtar Shahanov sazgerge "juldyzyń ulttyq, halyqtyq múdde bıiginde jarqyraı bersin" dep aq batasyn berdi.

Pýblısıs-jýrnalıst, Qoǵamdyq ataqtar men marapattar jónindegi respýblıkalyq keńes tóraǵasy Marat Toqashbaev Erlan Tóleýbaıdy qazaq ónerine sińirgen eńbegi, patrıottyq baǵyttaǵy rýhty ánderdiń keń taralýyna qosqan úlesi úshin "Qazaq óneriniń qaıratkeri" qurmetti ataǵymen marapattady.

Qazaqtyń "Qara jorǵa" bıin Qazaqstanda jańǵyrtqan Arystan qajy Shádetuly, tanymal akter Bekjan Turys, belgili aqyndar Almas Ahmetbekuly, Qaırat Qulmuhammed, dástúrli ánshi Erlan Tóleýbaı, satırık Jarylqasyn Dáýlet kesh ıesiniń shyǵarmashylyǵy týraly tolǵap, biri óleńnen shashý shashsa, biri aqjarma tilegin arnady.

Kesh barysynda Sandýǵash Stamǵazıeva, Ushqyn Jamalbek, Ibragım Eskendir, Maǵjan Erǵalın, Ázimbek Baılın sekildi óner maıtalmandary kópshilikti ásem ánmen áýeletti.