Abaı oblysy Jarma aýdanynyń Úshbıik aýylynda 9-synyptyń eki oqýshysy bir ýaqytta sýısıd jasady, dep habarlady Abainewskz Telegram arnasy. Dárigerler oqýshylardyń birin qutqaryp qalsa, 15 jastaǵy Aıqyn esimdi bala qaza tapqan.

Aıqynnyń synyptastary qaıǵyly oqıǵaǵa 11 synyp oqýshylarynyń jasóspirimdi birneshe ret uryp-soǵyp, psıhologıalyq qysym kórsetýi sebep bolýy múmkin ekenin aıtyp otyr. Sózderinshe, muǵalimder men mektep basshylyǵy joǵary synyp oqýshylarynyń bul áreketinen habardar bolǵan. Alaıda artyq shý shyǵarmas úshin oqıǵany jasyrýǵa tyrysqan.

Oqıǵadan bir kún buryn joǵary synyp oqýshylary kishi synyp oqýshylaryn soqqyǵa jyqqan. Tóbeles kezinde 9-synyp oqýshysy aýyr jaraqat alyp, aýrýhanaǵa túsken. Kelesi kúni 9-synyptyń eki oqýshysy mektepke barýdan ólimdi artyq kórip, oılaryn iske asyrmaq bolady. Eki bozbalanyń biri qyrshynynan qıyldy.

Aıqynnyń týystary onyń tárbıeli bala bolǵanyn, jaqsy oqyǵanyn, qyzyl atestat pen altyn belgige úmitker bolǵanyn aıtyp otyr. Ata-analar kinálilerdi zańnyń barlyq qatań túrimen jazalaýdy suraıdy.