Mańǵystaý oblysy Jańaózen qalasynda kelisim-shart negizindegi áskerı qyzmetker ózine qol salǵan. Bul týraly Aqtaý garnızonynyń áskerı prokýrory Erlan Qutqoja habarlady, dep jazady jergilikti Lada basylymy.
Oqıǵa ulttyq gvardıaǵa qarasty 5548 áskerı bóliminiń jataqhanasynda bolǵan. Áskerı qyzmetker óziniń bólmesinde beldigine asylyp qalǵan.
Erlan Qutqojanyń aıtýynsha, áskerı qyzmetker nebári 19 jasta bolǵan. Ulttyq ulan sapyna 2021 jyly qosylǵan. Aqtóbe oblysynyń týmasy. Áskerde saper bolyp qyzmet etken. Úılenbegen.
"Tragedıa týraly jaqyndaryna habar berildi. Jaǵdaıdyń jaı-japsary anyqtalyp jatyr. Bul – sumdyq tragedıa" dedi Erlan Qutqoja.
Pikir qaldyrý