Jemqorlyqqa qarsy is-qımyl agenttigi Qaırat Satybaldynyń burynǵy áıeli Gúlmıra Satybaldynyń ústinen qozǵalǵan qylmystyq istiń eki epızody boıynsha tergeý aıaqtalǵanyn habarlady.
“Gúlmıra Satybaldy, onyń baqylaýyndaǵy "Arıa-Jańa Astana" JSHS basshylyǵy jáne memlekettik organdardyń laýazymdy tulǵalary obektilerdi salýǵa bólingen búdjet qarajatyn urlady degen kúdikke ilinip otyr. Tergeý satysynda memleketke keltirilgen zalal tolyǵymen óteldi. Osy fakt boıynsha da sotqa deıingi tergeý aıaqtalyp, is kúdiktiler men olardyń advokattaryna tanysýǵa berildi” dep jazylǵan Sybaılas jemqorlyqqa qarsy is-qımyl agenttiginiń habarlamasynda.
Oǵan qatysty kásiporyndardyń qatysý úlesterin zańsyz ıemdenýdiń, sonyń ishinde adam urlaýmen ushtasqan eki faktisi tergelgen. Jábirlenýshige keltirilgen zalal somasy 6,6 mlrd teńgeden asady.
Gúlmıra Satybaldyǵa qatysty bıznesti basyp alýdyń jáne zańsyz bas bostandyǵynan aıyrýdyń basqa epızodtary boıynsha tergeý jalǵasyp jatyr.
Pikir qaldyrý