Ádilet mınıstri Qanat Mýsın "Respublica" degen ataýmen jańa saıası partıa tirkeýden ótkenin habarlady.
Partıa tóraǵasy – kásipker, "Olja Agro" JSHS bas dırektory Aıdarbek Hodjanazarov. Sondaı-aq bloger partıa teń tóraǵalarynyń qatarynda bloger Beıbit Álibekov, kásipkerler Syrymbek Taý, Rýslan Berdenov, Maksım Baryshev, Dınara Shúkijanova, bıznes-trener Kýanysh Shonbaı jáne akter, prodúser Nurlan Qoıanbaev bar.
Partıa resmı túrde tirkeýden ótkendikten keler jyly bolatyn parlament saılaýyna qatysa alady.
Buǵan deıin birqatar kvazımemlekettik sektorda laýazymdy qyzmetter atqaryp, sońǵy jyldary ózin ekologıalyq belsendi retinde kórsetip júrgen Azamathan Ámirtaı jetekshilik etetin "Baıtaq" partıasy tirkelgen. Azamathan Ámirtaı tirkelgennen keıingi baspasóz máslıhatynda "prezıdentke Ádiletti Qazaqstandy birge qurýǵa kómektesemiz" degen. Bılikke synı kózqarastaǵy sarapshylar "Baıtaq" elde saıası reforma júzege asyp jatqanyn kórsetý úshin qurylǵan bılikshil partıa, shyn máninde bul – saıası reforma ımıtasıasy ǵana ekenin aıtady.
Sondaı-aq eks-depýtat, 2019, 2022 jylǵy prezıdent saılaýlarynda kandıdat retinde tirkelmek bolǵan Jumataı Álıev jetekshilik etetin "Halyq derbestigi" partıasyn tirkeý prosedýralarynan ótip jatqany habarlanǵan.
TOLYQTYRÝ: Ádilet mınıstrligi vedomstvo basshysynyń sózin joqqa shyǵaryp, naqtylanbaǵan aqparat úshin keshirim suraı otyryp "Respublica" saıası partıasy áli resmı tirkeýden ótpegenin habarlady. Mınıstrlik málimetinshe, "Respublica" saıası partıasyn qurý jónindegi uıymdastyrý komıteti quryltaı sez ótkizgenendi tirkeýge qujattar kelip túsýge tıis.
Pikir qaldyrý