Destrýktıvti dinı aǵymdar ıdeologıasynyń bedelin túsirý jáne dástúrli qundylyqtardy nasıhattaý maqsatynda qala meshitterinde dindar áıelderdiń qatysýymen shaharymyzda 50-ge jýyq mádenı is-shara ótkizilip jatyr.

Sonyń biri búgin  A.P. Chehov atyndaǵy qalalyq ortalyq kitaphanada «Adam jáne qoǵam» QB ÚEU uıymdastyrýymen jáne Almaty qalasy Din isteri jónindegi basqarmasynyń qoldaýymen Almaty qalasy meshitteriniń áıel jamaǵattaryna arnalǵan dinı saýat ashý kýrstarynda bilim alyp jatqan azamatshalarǵa arnalǵan «Dástúrli qazaq qoǵamynda damyǵan kıiz basý óneri» atty  taqyrybynda sheberlik saǵaty ótti.   

İs-sharanyń basty maqsaty osy kisilerdiń umytylyp bara jatqan ónerdi qaıta jandandyrý. Osyndaı saryndy is-sharalar jıi ótkizilýde. Qazirgi tańda rýhanı jaǵynan damytý maqsatynda teatr, ártúrli mádenı konsertter, jáne de arnaıy uıymdastyrylǵan kýrstar ótkizilýde.