Qarjy monıtorıńi agenttigi jýrnalıs Mıhaıl Kozachkovtyń isi boıynsha tergeý tobynyń prosesýaldyq áreketteriniń zańdylyǵy men negizdiligine qatysty jaǵdaıǵa túsinikteme berdi, dep habarlady Tengrinews.kz.

Vedomstvo málimetinshe, jýrnalısiń páterinde tintý QR Qylmystyq is júrgizý kodeksiniń 254-babynyń talaptary boıynsha júrgizilgen.

"Ony júrgizýdiń negizdiligi men qajettiligin tergeý soty tekserip, qorytyndysy boıynsha sanksıa berildi. Bul tergeý áreketi páter ıesi tikeleı páterde bolǵan kezde, kýágerlermen júrgizildi. Tintý barysy beınekameraǵa túsirildi. Ótinish qorǵaýshylardyń qatysý qajettiligi aıtylmaǵan" dedi QMA ókilderi.

QMA jýrnalısi qoǵamdyq pikir qalyptastyrý arqyly qylmyskerlerge bolysty, aqparattyq shabýyl uıymdastyrdy, jalǵan málimet taratty, adam bedeline nuqsan keltiretin maqalalar jarıalady, memlekettik qupıaǵa jatatyn aqparattardy jınap, taratty dep aıyptap otyr. Organ dereginshe, jýrnalıs osy qyzmeti úshin qomaqty syıaqy alǵan. 

Birqatar belsendi azamattar men Kozachkovtyń áriptesteri bolyp jatqan oqıǵany quqyqtyq sala, sot júıesi týraly ótkir jazatyn jýrnalısiń aýzyna qaqpaq bolý áreketi dep sanaıdy.