Belgili ǵalym, fılosofıa ǵylymynyń doktory, profesor, QR Áleýmettik ǵylym akademıasynyń akademıgi Amangeldi Aıtaly dúnıeden ozdy.

Amangeldi Ábdirahmanuly Aıtaly 1939 jyly 10 qyrkúıekte Reseıdiń Astrahan oblysy Volodarsk aýdanyna qarasty Boldyrevo aýylynda dúnıege kelgen. Aqtóbe memlekettik pedagogıkalyq ınstıtýtyn, Ál-Farabı atyndaǵy Qazaq ulttyq ýnıversıtetiniń aspırantýrasyn bitirgen.

Eńbek jolyn aýyl mektebinde bastaýysh synyp muǵalimi bolyp bastap, Aqtóbe memlekettik pedagogıka ınıstıtýtynda aǵa oqytýshy, kafedra meńgerýshisi, prorektor bolyp eńbek etken. 1999-2004 jyldar aralyǵynda ekinshi shaqyrylymdaǵy jáne 2004-2007 jyldardaǵy úshinshi shaqyrylymdaǵy QR Parlamentiniń depýtaty bolǵan.

Keıingi jyldary Q.Jubanov atyndaǵy Aqtóbe óńirlik memlekettik ýnıversıtetiniń "Áleýmettik saıası pánder" kafedrasynyń profesory, "Bilim men tárbıeniń dúnıetanymdylyq áleýmettik máselelerin zertteý" ortalyǵynyń jetekshisi bolyp qyzmet etken.

Birneshe ǵylymı-kópshilik kitaptardyń jáne júzdegen ǵylymı maqalalardyń avtory. 

«Qurmet» belgisi, «Parasat» ordenderimen, Qazaq KSR Joǵarǵy Keńesiniń gamotasymen marapattalǵan.