– Avtojol qurylysy boıynsha barlyq negizgi degen jumystar aıaqtaldy. Qazirgi ýaqytta abattandyrý jáne jol aqysyn alý júıesi ornatylyp jatyr. Konsesıa týraly zańǵa sáıkes jobalar ınvestorlarǵa memleket balansyna qabyldanǵannan keıin ǵana beriledi. Osyǵan baılanysty paıdalanýǵa berý 2023 jyldyń ekinshi jartysyna josparlanyp otyr, dedi Avtomobıl joldary komıtetiniń tóraǵasy Tólegen Abdýllın.
Aınalma jol negizinen alty, keı jerlerde tórt jolaqty bolmaq. Ruqsat etilgen maksımaldy jyldamdyq saǵatyna 110-140 shaqyrymdy quraıdy.
Tas jol Qaskeleń mańyndaǵy Qyrǵaýyldy aýylynan bastalyp, Talǵar janyndaǵy Qyzylqaırat aýylynda aıaqtalady.Jol Almaty oblysynyń Qarasaı, İle jáne Talǵar aýdandaryndaǵy 14 eldimeken arqyly ótetin bolady.
Kolesa.kz basylymynyń jazýynsha, ÚAAAJ dıreksıasy jumystardy mınıstrlik aıtqan merzimnen de buryn aıaqtap, jol qozǵalysyn 2023 jyldyń İ jartysynda iske qosýdy josparlap otyrǵanyn habarlaǵan.
Pikir qaldyrý