Statısıka búrosy elde eń jıi kezdesetin famılıalardy atady.

Búro málimetinshe, Qazaqstanda eń kóp taraǵan famılıa – Ahmetov(a). Ol 66 091 adamda kezdesedi. Reıtıńtegi ekinshi orynda Serik – 45 193. Úshinshi pozısıada – Omarov(a) tegi. Qazaqstanda bul famılıa 40 322 adamda bar. Tórtinshi orynda Ospanov(a) – 36 142. TOP 5-te, sondaı-aq Álıev(a) tegi bar, Qazaqstandaǵy Álıevterdiń sany – 35 387.

Budan ári kóp taralǵandardyń ishinde Kım – 34 811, Súleımenov(a) – 29 988, Marat – 28 008, Amangeldi – 27 297 jáne Bolat – 24 542 famılıalary bar.

Osydan tórt jyl buryn top-5 famılıalar tizimi tómendegideı bolǵan:

1. Ahmetov (a) (73 627);
2. Omarov (a) (45 123);
3. Kım (42 274);
4. Ospanov (a) (41 068);
5. Ivanov (a) (39 296).

2022 jylǵy 1 qarashadaǵy jaǵdaı boıynsha, Qazaqstan halqynyń sany – 19 715 782 adam.

Al esimder arasynda ul balalarǵa Álıhan, qyzdarǵa Mádına jıi qoıylady. Tanymal esimder qatarynda uldar arasynda Alan, Omar, Aldıar, Ámir, Aısultan, Álı, Álınur esimderi, qyzdar arasynda Aısha, Aılın, Tomırıs, Asylym, Safıa, Raıana, Ámına esimderi kezdesedi.