Elvıra Azımova Konstıtýsıalyq sottyń tóraǵasy bolyp taǵaıyndaldy, dep habarlady Aqordanyń baspasóz qyzmeti.

"Memleket basshysynyń Jarlyǵymen Elvıra Ábilhasymqyzy Azımova Qazaqstan Respýblıkasy Konstıtýsıalyq Sotynyń Tóraǵasy laýazymyna 2023 jylǵy 1 qańtardan bastap taǵaıyndaldy" delingen habarlamada.

Elvıra Azımova 1973 jyly dúnıege kelgen. Iasaýı atyndaǵy halyqaralyq qazaq-túrik ýnıversıtetin "zańger" mamandyǵy boıynsha támamdaǵan. Eńbek jolyn 1990-1991 jyldary Shymkenttegi Dzerjınskıı aýdandyq ishki ister bóliminiń kezekshi operatory bolyp jumys isteýden bastaǵan.

1996-2013 jyldary QR Ádilet mınıstrliginiń júıesinde jetekshi keńesshi, bas keńesshi jáne maman, orynbasar jáne basqarma basshysy, sonymen qatar, QR halyqaralyq qyzmetin normatıvtik qamtamasyz etý departamentiniń dırektory bolǵan.

2013 jyldan 2019 jylǵa deıin Qazaqstannyń ádilet mınıstriniń orynbasary qyzmetin atqarǵan.

2019 jyldyń qyrkúıeginen beri Adam quqyqtary jónindegi ýákil bolǵan.