Ýkraınaǵa qarsy soǵys bastalǵannan beri Reseıdiń Qaýipsizdik keńesi tóraǵasynyń orynbasary qyzmetin atqarǵan eks-prezıdent Dmıtrıı Medvedev Reseıdiń soǵysta jeńilgenin qalaıtyndardy "qoǵam jaýy", "memleket jaýy" dep sanaıtynyn aıtty, dep jazady svoboda.org portaly.

Medvedev qazirgi soǵysqa qarsy shyqqandardy osydan júz jyl buryn birinshi dúnıejúzilik soǵys kezinde Reseıdiń jeńilisin tilegen "oppozısıonerlerge" teńedi. Ol Vladımır Lenın bastaǵan bólshevıkter týraly sóz qozǵap otyrǵan bolýy múmkin. Alaıda bul mysalyn naqtylamady. 

"Osy ǵasyrdaǵy jańadan shyǵyp jatqan sheneýnikterdiń shyǵarmalaryn oqyǵan kezde boıymda jıirkenish sezimi paıda bolady. Olar taǵy da bılikti qarǵaıdy, óz Otanynyń jeńilisin tileıdi, Reseıdiń jer betinen joıylýyn armandaıdy", dep jazady Medvedev. 

Ol Reseıdiń quldyraýyn qalaıtyn mundaı adamdardy qyzmetine qaramastan "qoǵam jaýy" dep ataýǵa shaqyrdy. Medvedev óz málimdemesinde "hostis publicus" sózin qoldanǵan. Bul sóz "halyq jaýy" degen maǵynany bildiredi.