Prezıdent jarlyǵymen Asqat aımaǵambetov qyzmetinen bosatylyp, onyń ornyna Ǵanı Beısembaev QR Oqý-aǵartý mınıstri bolyp taǵaıyndaldy. Bul týraly Aqordanyń baspasóz qyzmeti málim etti.

"Memleket basshysynyń Jarlyǵymen Ǵanı Bektaıuly Beısembaev Qazaqstan Respýblıkasynyń Oqý-aǵartý mınıstri laýazymyna taǵaıyndaldy" delingen Jarlyqta.

Ǵanı Beısembaev 1969 jyly Qyzylorda oblysynda dúnıege kelgen.

Abaı atyndaǵy Almaty memlekettik ýnıversıtetin bitirgen. 

1989-1990 jyldary – qazaq tili muǵalimi.

1990-1995 jyldary – orta mektepte dırektordyń oqý-tárbıe isi jónindegi orynbasary.

1995-1997 jyldary – orta mektep dırektory.

1997-2000 jyldary – QR BǴM Y.Altynsarın atyndaǵy Qazaq bilim akademıasy prezıdentiniń ǵylymı hatshysy, referenti. 

2000-2001 jyldary – Qapshaǵaı qalasy Bilim bóliminiń basshysy.

2001-2006 jyldary – Halyqaralyq qosymsha bilim berý ortalyǵynyń dırektory.

2006-2007 jyldary – Almaty tehnologıalyq ýnıversıteti Tehnıkalyq-ekonomıkalyq kolej dırektory.

2007-2020 jyldary – Halyqaralyq bilim berý ortalyǵynyń bas dırektory.

2020 jyly QR BǴM "Oqýlyq" respýblıkalyq ǵylymı-praktıkalyq ortalyǵynyń dırektory boldy.

2020-2022 jyldary – QR BǴM Y.Altynsarın atyndaǵy Ulttyq bilim akademıasynyń prezıdenti.

2022 jylǵy naýryzdan bastap – QR bilim jáne ǵylym vıse-mınıstri.

2022 jylǵy tamyzdan bastap qazirgi ýaqytqa deıin – QR oqý-aǵartý vıse-mınıstri.