Qasym-Jomart Toqaev birneshe mınıstrdi qyzmetinen bosatyp, kadrlyq aýys-túıis jasady.

Prezıdent jarlyǵymen Zúlfıa Súleımenova QR Ekologıa jáne tabıǵı resýrstar mınıstri laýazymyna taǵaıyndaldy. Buǵan deıin bul qyzmetti Serikqalı Brekeshov atqarǵan

Indýstrıa jáne ınfraqurylymdyq damý mınıstri bolyp Marat Qarabaev taǵaıyndaldy. Buǵan deıin atalǵan mınıstrlikti Qaıyrbek Óskenbaev basqarǵan.

Dáýren Abaev mádenıet jáne sport mınıstri qyzmetinen bosatylyp, onyń ornyna "Amanat" partıasynyń atqarýshy hatshysy Asqat Oralov taǵaıyndaldy.

Buǵan deıin premer-mınıstr keńsesiniń basshysy qyzmetin atqarǵan Ǵalymjan Qoıshybaev Qazaqstan premer-mınıstriniń orynbasary – úkimet apparatynyń basshysy laýazymyna taǵaıyndaldy.

Budan bólek, Azamat Esqaraev ádilet mınıstri bolyp taǵaıyndaldy. Qańtar oqıǵasynan keıin ádilet mınıstri bolyp taǵaıyndalǵan Serik Mýsın ótken aptada bul qyzmetten bosatylyp, jańadan qurylǵan konstıtýsıalyq sottyń sýdıasy bolyp taǵaıyndalǵan edi.