Qamaýdaǵy bıznesmen Qaırat Boranbaev ustalmas buryn elden qashyp ketý oıynda bolmaǵanyn habarlady. Astanada ótip jatqan sot otyrysyndaǵy úzilis kezinde jýrnalıser Qaırat Boranbaevqa birneshe suraq qoıdy. Bıznesmen "elden qashyp ketpekshi boldy" degen aqparatqa qatysty túsinikteme berdi. 

"Bul – jalǵan aqparat. Men qamaýǵa alynbas buryn kezdesýde boldym. Saǵat 17:00-ge taman tutqyndaldym. Bul kezde Pekın qalasynan kelgen edim. Iá, túngi 2:00-lerde Rıga qalasyna ushýdy josparladym. Ne úshin qashýym kerek? Men osy elde týyp óstim. Ákem osynda jerlengen, anam da osy elde. Bıznesim de osynda. Qaıda qashýym kerek?", dedi Qaırat Boranbaev. 

Qaırat Boranbaev Rıga qalasyna sapary bir aı buryn josparlanǵanyn aıtty.

Qaırat Boranbaetyń soty 2022 jylǵy 30 jeltoqsanda bastaldy. Ol byltyr 17 naýryzda qamaýǵa alynǵan. Onyń ústinen kvazımemlekettik sektorda asa iri kólemde qarajat jymqyrý faktisi boıynsha is qozǵalǵan bolatyn.