Elnur Beısenbaev Sabyrjanuly, 1986 jyly 27 maýsymda Túrkistan oblysy Kentaý qalasynda dúnıege kelgen. Ál-Farabı atyndaǵy Qazaq ulttyq ýnıversıtetiniń túlegimin. Saıasattanýshy, áleýmettik ǵylymdar magıstri.

Eńbek jolyn «Jastar úni» Jastar qoǵamdyq uıymynda maman retinde bastap, keıinnen 2009 jyly tóraǵa bolyp taǵaıyndalǵan.

2012-2015 jyldary tarıh pániniń muǵalimi, Qazaqstan komýnıstik halyq partıasynyń Almaty qalalyq fılıalynda ıdeologıa jáne nasıhat jónindegi hatshy qyzmetterin qosa atqarǵan.

2016 jyldan 2017 jylǵa deıin Almaty qalasy ákimdiginiń jastar jobalary jáne uıymdastyrý jumystary bóliminiń basshysy, jastar saıasaty máseleleri basqarmasynyń basshysy laýazymdarynda eńbek etken.

2017 jyly 28-shi Dúnıejúzilik qysqy Ýnıversıadany ótkizý barysynda 3 000 volonter jumysyn uıymdastyryp, olarǵa basshylyq etti.

2017 jyldan 2018 jylǵa deıin Abaı atyndaǵy Qazaq ulttyq pedagogıkalyq ýnıversıtetinde tárbıe jumysy departamentiniń dırektory bolyp jumys atqardy.

2019 jyly Nur-Sultan qalasy ákiminiń áleýmettik máseleler jónindegi keńesshisi boldy.

2020 jyly «Nur Otan» partıasy janyndaǵy «Jas Otan» Jastar qanatynyń tóraǵasy bolyp saılandy.

2021 jyldan beri VII saılanǵan parlament májilisiniń depýtaty, áleýmettik-mádenı damý komıtetiniń múshesi.