Qarjylyq monıtorıń agenttigi Eldos Qospaevtyń úılestirýimen reıderlik áreket jasady degen kúdikke ilinip, izdeý jarıalanǵan uıymdasqan qylmystyq toptyń 6 múshesi týraly aqparat úshin syıaqy taǵaıyndalǵanyn habarlady.

"Eldos pen Aıdos Qospaevtar, Erlan Imashev, Rýslan Shalın, Oksana Kýdráshova, Alekseı Kýznesov tergeýden jasyrynyp júr. Qylmystyq top uzaq ýaqyt boıy kúsh qoldaný jáne qorqytý arqyly almatylyq kásipkerlerdiń múlkin, seriktestikterdegi úlesterin tartyp alyp, kóleńkeli kásipkerlikpen aınalysqan. Reıderlik shabýyldar boıynsha sotqa deıingi tergeý jáne uıymdasqan qylmystyq topqa qatysy bar adamdardy anyqtaý jalǵasýda. İzdeýdegi adamdardyń qaıda bolýy múmkin ekendigi týraly aqparaty bar adamdardy QMA senim telefonyna habarlasýdy suraımyz. 8 (7172) 708-478, 8 (727) 279-29-56. Aqparat bergeni úshin syıaqy qarastyrylǵan" delingen agenttik habarlamasynda.

Orda.kz portaly Eldos Qospaev eks-prezıdenttiń inisi Bolat Nazarbaevtyń adamy ekenin jazady. El arasynda reıderliń shabýyldardyń arasynda tikeleı Bolat Nazarbaev tur, Qospaev Nazarbaevtyń qamqorlyǵymen áreket etken degen áńgime bar.

Maýsym aıynda jýrnalıs Mıhaıl Kozachkov "Karuan" JSHS ıesi Nurshy Kákenov Bolat Nazarbaevty reıderlik shabýyl jasady dep aıyptap, aryzdanǵany týraly jazǵan. Qarjylyq monıtorıń agenttigi aryz túskenin rastaǵanymen, Nazarbaevtyń ústinen sotqa deıingi tergeý bastalǵan týraly aqparat shyqpady.