Aqtaý mańynda janarmaı quıylǵan sısterna jarylýynan zardap shekkenderdiń biri jansaqtaý bóliminde qaıtys boldy, dep jazady lada.kz portaly.
Basylym málimetinshe, jansaqtaý bóliminde jatqan ekinshi adamnyń jaǵdaıy aýyr.
"Ókinishke qaraı, bir naýqas qaıtys boldy. Zardap shekken ekinshi adam 1981 jyly týǵan azamattyń jaǵdaıy aýyr. Dárigerler qolynan kelgenniń bárin istep jatyr" dep habarlady Mańǵystaý oblystyq aýrýhananyń baspasóz qyzmeti ókilderi.
Qaıtys bolǵan azamat 1989 jyly týǵan.
7 qańtarda saǵat 21:00 shamasynda Aqtaý mańyndaǵy "BBJ GROUP" JSHS kólik kompanıasynyń bazasynda janarmaıǵa toly sısterna jarylǵan bolatyn. Saldarynan eki adam túrli dene jaraqatymen oblystyq aýrýhanaǵa jetkizilgen. Qazirgi kúni apattyń sebebi anyqtalyp jatyr.
Pikir qaldyrý