Aqparat jáne qoǵamdyq damý mınıstri Darhan Qydyráli Almatyda jumys saparymen bolyp qaıtty.
Mınıstr aldymen saıt jetekshileri jáne blogerlermen kezdesip, Internet-jarnama jáne onlaın platformalar týraly zań jobasy ázirlenip jatqanyn aıtty.
– Bul zań jobasy sheńberinde qoldanýshylardyń jaýapkershiligi kúsheıedi. Sheteldik platformalardyń qyzmeti qazaqstandyq zańnamaǵa sáıkes retteledi. Áleýmettik jeli ıeleri óz ınterfeısin qazaqstandyqtar úshin memlekettik tilde usynýǵa mindetteledi. Aqparatqa qol jetkizý máseleleri jónindegi zańǵa túzetýler ázirlendi. Usynylǵan ózgerister, azamattardyń aqparatqa qol jetkizý quqyǵyn zańsyz shektegen memlekettik organdardyń jaýapkershiligin kúsheıtedi, – dedi mınıstr.
Buǵan qosa, mınıstr qazirgi ýaqytta dástúrli BAQ-tyń baǵyty konseptýaldy turǵyda ózgerip jatqanyn, sondyqtan mınıstrlik medıa zańnamanyń jańa jobasy jurtshylyq nazaryna usynylǵanyn jáne ony belsendi talqylaýǵa shaqyrdy.
Darhan Qydyráli áńgime barysynda áriptesterine jalǵan aqparattyń taralmaýyna muqıat qarap, kontent sapasyna mán berýdi surady.
Erkin formatta ótken kezdesýde almatylyq kontent jasaýshylar mınıstrge saýaldaryn qoıyp, óz pikirlerin ortaǵa saldy.
Munan soń mınıstr jumys sapary aıasynda «Nur-Múbarak» Egıpet ıslam mádenıeti ýnıversıtetiniń ujymmen kezdesti. Mınıstr áýeli ýnıversıtettiń 4000 orynǵa arnalǵan jańa ǵımaratynyń qurylysymen tanysty.
«Nur-Múbarak» Egıpet ıslam mádenıeti ýnıversıteti – zaıyrly memleket talaptaryna jaýap beretin, din salasynda bilikti kadrlardy daıarlaıtyn joǵary oqý orny. Búginde túlekterdiń basym bóligi ýnıversıtetterde, medrese-kolledjderde ustaz bolyp, meshitterde naıb ımam retinde, óńirlik Din isteri basqarmalarynyń Din máselelerin zertteý ortalyqtarynda ınspektor jáne teolog bolyp qyzmet etip júr.
Kezdesýde dinı kadrlardy daıarlaýǵa qatysty birshama másele talqylandy.
Sonymen birge mınıstr ýnıversıtet kitaphanasyna «Kóne túrki tiline aýdarylǵan alǵashqy quran» kitabyn tabystady. Atalǵan kitap H ǵasyrda tárjimalanǵan.
İs-sharaǵa QMBD Bas múftıi Naýryzbaı qajy Taǵanuly, ýnıversıtet rektory Muhammad Ásh-SHahhat Ál-Jındı jáne ustazdar qatysty.
"Qazaq gazetteri" qaıta quryldy
Aqparat jáne qoǵamdyq damý mınıstri Darhan Qydyráliniń Almatydaǵy jumys sapary "Qazaq gazetteri" ujymymen kezdesýmen jalǵasty.
Jaqynda ǵana qaıta jasaqtalǵan ujym quramyna «Egemen Qazaqstan», «Kazahstanskaıa pravda», «Ana tili», «Aqıqat», «Mysl», «Teńge monıtor», «Uıǵyr avazı», «Úrker», «Aqjelken», «Baldyrǵan», «Ulan», «Drýjnye rebáta» basylymdary kiredi.
Kezdesý barysynda eki ujymnyń birigýine oraı Dýman Anash «Qazaq gazetteri" bas dırektordyń orynbasary – Almaty fılıalynyń basshysy, Erlan Júnis "Ana tili" gazetiniń bas redaktory jáne Asyl Saǵymbekov «Mysl» jýrnalynyń bas redaktory bolyp taǵaıyndalǵany aıtyldy.
Mınıstr óz ótinishteri boıynsha jumystan bosaǵan belgili qalamgerler Shamshıddın Patteev pen Qalı Sársenbaıǵa jemisti eńbekteri úshin alǵys aıtyp, arnaıy salalyq medaldarmen marapattady.
Jıyn qorytyndysynda D.Qydyráli jýyrda ǵana jańa ǵımaratqa kóshken ujym qyzmetkerleriniń jalaqasy óskenin, qalamaqy men syılyqaqy kóterilgenin aıtty. Sondaı-aq jańa basshylyq aldyna tıisti mindetter qoıdy.
Artynsha mınıstr «Qazaq gazetteri» seriktestigine qarasty «Drýjnye rebáta» ujymyn 90 jyldyq mereıtoımen quttyqtady.
– 90 jyl boıy balapandarymyzdy qýantyp, tanymdyq-taǵylymdyq aqparattarymen sýsyndatyp júrgen «Drýjnye rebáta» basylymyn mereıtoıymen quttyqtaımyn. Jas urpaqty tárbıeleý jolynda atqaryp júrgen qyzmetterińizdiń jemisin kóre berińizder! Gazet osy ýaqyt aralyǵynda kóptegen tarıhı oqıǵanyń kýási boldy jáne olarǵa balalar kózimen qaraı bildi. Redaksıa búginge deıin óziniń basty mısıasy – óskeleń urpaqty shyǵarmashylyqqa, óz eline degen súıispenshilikke jáne aǵa býynǵa degen qurmetke tárbıeleý isin tolyq atqaryp keledi. Balalar baspa basylymdarynyń damýyna qosqan úlesi úshin "Drýjnye rebáta" gazetine alǵysymdy bildiremin!, – dedi mınıstr.
Jıyn sońynda D.Qydyráli basylymdaǵy birqatar qyzmetkerdi salalyq marapattarmen marapattady.
Aqparat jáne qoǵamdyq damý mınıstri Almatydaǵy jumys saparyn «Almaty» telearnasynyń ujymymen kezdesýmen túıindedi.
Mınıstr 2022 jyldan bastap respýblıkalyq mártebege ıe bolyp, elimizdiń barlyq aımaǵyna taralatyn arnanyń jumysymen tanysyp, áriptestermen oı-pikir almasty.
D.Qydyráli aqparat salasyndaǵy negizgi máseleler men jańalyqtarǵa toqtalyp, mass-medıa týraly zań jobasynyń jýrnalıserge beretin artyqshylyqtaryn atap ótti.
Kezdesý sońynda mınıstr telearna qyzmetkerleriniń suraqtaryna jaýap berip, jumystaryna sáttilik tiledi.
Aqparat jáne qoǵamdyq damý mınıstrliginiń baspasóz qyzmeti
