Ýkraına prezıdenti Vladımır Zelenskıı el depýtattary men memlekettik qyzmetkerlerine demalys úshin nemese memleket qajettiliginen tys maqsatta shetelge shyǵýǵa tyıym salatyn jarlyqqa qol qoıdy.
Zelenskıı bul Ulttyq qaýipsizdik jáne qorǵanys keńesiniń sheshimi ekenin aıtty.
Onyń sózinshe, elden shyǵýǵa tyıym ortalyq bıliktiń barlyq sheneýnikterine, sondaı-aq jergilikti bıliktegi basqa da laýazymdy tulǵalarǵa, quqyq qorǵaý organdarynyń qyzmetkerlerine, depýtattarǵa, prokýrorlarǵa qatysty.
"Qazir shetelge shyǵyp, demalǵysy keletinder qyzmetimen qoshtasady. Sheneýnikter demalý úshin nemese osyǵan uqsas basqa maqsatta shetelge shyǵa almaıdy", dep eskertti Zelenskıı.
Pikir qaldyrý