Astana qalasyndaǵy «Dýman» oıyn-saýyq ortalyǵynda Qazaqstan halqy Assambleıasy jyly is-sharalarynyń sheńberinde Qazaq handyǵynyń 550 jyldyǵyna arnalǵan respýblıkalyq «Etno-fashion» festıvali ótti.

Festıváldiń basty mısıa­sy – ejelgi qazaq mádenıeti men Qa­zaqstan etnostarynyń dástúr­lerin tanyp-bilý, ulttyq kıim men sándik-qoldanbaly buıymdardyń elementteri arqyly tarıhtyń jarqyn betterin kórsetý. Atalǵan festıváldi uıymdastyrýda. Qazaqstan Prezıdenti janyndaǵy Áıelder isteri jáne otbasylyq-demografıalyq saıasat jónindegi ulttyq komısıa, Mádenıet jáne sport, Bilim jáne ǵylym, Syrtqy ister mınıstrlikteri men Astana qalasynyń ákimdigi seriktes boldy. Festıváldiń negizgi maqsaty – qazaqstandyq birtektilikti, qoǵamdyq kelisim men jalpyulttyq birlikti nyǵaı­týǵa úndeý.

İs-sharaǵa Qazaqstan halqy Assambleıasy Tóraǵasynyń orynbasary – QHA Hatshylyǵynyń meń­gerýshisi E.Toǵjanov, Parla­ment depýtattary, «ETNO-ERATO» halyqaralyq joǵary sán konkýrsynyń tóraıy­my R.Qanapánova, QHA, dıp­lo­matıalyq mısıalar músheleri, etnomádenı birlestikter men ǵylymı jáne zıaly qaýym ókilderi, sonymen qosa, tanymal estrada ártisteri qatysty.

Óz sózinde Qazaqstan halqy Assambleıasy Tóraǵasynyń orynbasary – QHA Hatshylyǵynyń meńgerýshisi Eraly Toǵjanov: «Qazaq handyǵynyń 550 jyl­dyǵy – barshamyz úshin eleýli oqı­ǵa. Halqymyzdyń tarıhy ejel­gi dáýirlerden bastaý alady: saq dáýiri, ǵundar, Túrik qaǵa­naty jáne t.b. Ár kezeń bizdiń mádenıetimizde oıyp turyp oryn alǵan. Elimizdiń ár azamaty óz otbasynyń múshesi retinde bir-biri úshin ýaıymdaý kerek. Tek biz ǵana birtutas bolashaq pen memlekettiliktiń negizin qalaı alamyz», – dedi.

İs-shara barysynda etnope­da­gogıka boıynsha «Til – dos­tyqtyń altyn kópiri»; «Erte­gi­lerdegi el danalyǵy: oqytamyz jáne birge oqımyz»; «Qazaq ult­tyq kıiminiń fılosofıasy» taqyryptaryna arnalǵan «Ha­lyq danalyǵynyń qaınary» atty ashyq sabaqtar ótkizildi. Et­nopedagogıka boıynsha ótken ashyq sabaqtardy Prezıdent janyndaǵy Áıelder isteri jáne otbasylyq-demografıalyq saıasat jónindegi ulttyq komısıa janyndaǵy Saraptamalyq keńestiń hatshysy, Qazaqstan Jazýshylar odaǵynyń múshesi Kamal Álpeıisova (Astana qala­sy), Lomonosov atyndaǵy MMÝ Qazaqstan fılıaly dırektory­nyń orynbasary, L.N. Gýmılev atyndaǵy EUÝ profesory, Qazaqstan halqy Assambleıasy Ǵy­lymı-saraptama keńesiniń múshesi, ǵylym doktory Nursulý Shaımerdenova (Astana qalasy), Qazaq­stan Qol­ónershileri odaǵy­nyń tóraıy­my, Qazaqstan Sýret­shiler odaǵynyń múshesi Aıjan Bek­­qulova (Almaty qalasy) júr­gizdi.

Festıváldiń birinshi bóli­mi­niń sońynda Qazaqstannyń tany­mal dızaınerleri sheberlik sabaqtaryn ótkizip, óz tájirı­belerimen bólisti. Qatysýshylar dızeınerlerge suraqtar qoıyp, pikir almasty, sondaı-aq, dı­zaı­nerler men is-shara uıymdas­tyrýshylaryna sheksiz alǵys­taryn bildirdi. «Batyr» balalar men jasóspirimder klýbynyń jetek­shisi Qanat Aıymbetov «Asyq atý» tarıhyna toqtalyp, bala­lar arasynda «Alty atý» ult­tyq oıynyn ótkizdi.

Shara aıasynda «Asyl qazy­na» – dızaıner-sángerler etno­grafıalyq derekter negizinde jasaǵan qazaq memlekettiliginiń qalyptasý dáýirlerindegi ulttyq kıimniń nobaılyq (eskızdik) jobalarynyń kórmesi. «Uly Dala órnekteri» – Qazaq handy­ǵy tusyndaǵy ulttyq kıim kór­setilimi (erlerge, áıelderge, jastarǵa jáne balalarǵa arnalǵan ulttyq kıim úlgileriniń, dala elıtasy men batyrlardyń kıim úlgileriniń kórsetilimi (defıle). «Halyq danalyǵynyń qaınary» – etnopedagogıka boıynsha «Til – dostyqtyń altyn kópiri», «Erte­gilerdegi el danalyǵy: oqytamyz jáne birge oqımyz», «Qazaq ulttyq kıiminiń fılosofıasy» taqyryptarynda kópshilikke arnalǵan ashyq sabaqtarmen qosa, «Sándi etnokıim!» kıim úlgilerin jasaýda etnostyq elementterdi paıdalanyp júrgen Qazaqstannyń tanymal dızaınerleriniń sheberlik sabaqtary jáne «Káý­sar bulaq» – balalar alańy: bala­larǵa arnalǵan ulttyq oıyn­dar, «Ata óneri – urpaqqa mura» – qoldan jasalǵan biregeı taýar­lardyń jármeńkesi jáne qol­ónershilerdiń túrli sheberlik sabaqtary, «Máńgilik amanat» – Uly Dalanyń salt-dástúr­leri men mádenıetiniń element­terin jańǵyrtý boıynsha teatr­lan­dyrylǵan qoıylym syndy is-sharalar kesheni ótkizildi. Fes­tıvalde elimizdiń 12 óńirinen kelgen 70-ten astam sángerler, dızaı­nerler men halyq ishinen shyq­qan sheberlerdiń jumystary kórsetildi.

Festıváldiń saltanatty jabylýynda Prezıdent Ákimshiliginiń QHA Hatshylyq sektorynyń meńgerýshisi Názıpa Ydyrysqyzy «Qazaqstan halqy Assambleıasyna – 20 jyl» mereı­toılyq medaldaryn Janna Áýbákirova men Venera Isı­naǵa tabystady. Óz sózinde ol: «Mádenıet pen óner bizdi birik­tiretin kúsh. Kıim men halyq óneri­niń ásemdigi birlik pen birtek­tilik fılosofıasynyń negizi bolyp tabylady», – deı kele, bar­sha qatysýshylarǵa alǵy­syn aı­typ, shyǵarmashylyq tabys tiledi.

Biregeı jumystar 12 atalym boıynsha atap kórsetiledi. «ETNO-FASHION» respýb­lıka­lyq festıvaliniń «Uly Dala rýhy» atalymynda – O.Tańsyq­baev atyndaǵy Almaty sándik-qol­dan­baly óner kolej stýdent­teri, «Etnostyq saryndar» ata­lymynda – «Ádemi» jáne «Ǵa­jaıyp qala» balabaqshalary, «Festıvál jańalyǵy» atalymynda – Gúlnar Smaǵulova, «QHA depýtattyq toby atynan ar­naıy syılyq» atalymynda – «Raısa» sán teatry, «Etno-Era­to» baıqaýy atynan arnaıy syı­lyq» atalymynda – Aqmóldir Tur­ǵanbek, «Kórermender kózaıy­my» – Ekaterına Kım, «Etno­stıl» atalymy boıynsha – Zarına Jumaǵalıeva, «Ulttyq dástúrdi saqtaǵany úshin» – Anel Ahmetova, «Festıváldiń eń jas qatysýshysy» atalymynda Sholpan Ábdiqalyq jeńimpaz atandy.

Eń úzdik sheberler Más­keý qalasynda ótkiziletin halyq­aralyq «Etno-Erato» konkýrsy sheńberindegi ulttyq kıimder festıvaline Qazaqstan atynan qatysatyn bolady.

"Qamshy"silteıdi

Derekkóz: Egemen Qazaqstan