Taldyqorǵan qalalyq soty Qańtar oqıǵalary kezinde ustalǵandardy azaptady dep aıyptalǵan bes polıseıge úkim shyǵardy, dep habarlady qalalyq sottyń baspasóz qyzmeti.

İs materıaldaryna saı, kúdiktiler 6 qańtarda oblystyq polısıa deparlamenti ǵımaratyna shabýyl jasap, qarý-jaraq pen oq-dárilerdi urlady degen kúdikke ilingen 23 azamatqa fızıkalyq, psıhologıalyq kúsh kórsetken.

Prokýror kúdiktilerdiń birin 5 jylǵa, ekeýin 4 jylǵa, taǵy ekeýin 2 jylǵa bas bostandyǵynan aıyrýdy suraǵan.

Aqparattyq habarlamasynda jábirlenýshiler sottalýshylardy keshirip, sottan olardy bas bostandyǵynan aıyrmaýdy suraǵany aıtylady. 

Sot kúdiktilerdiń kinásin tolyq moıyndap, keltirilgen zalaldy ótegenin, kámilet jasyna tolmaǵan balalary baryn eskerip kúdiktilerdi 3 jyl merzimge quqyq qorǵaý organdarynda qyzmet atqarý quqyǵynan aıyra otyryp, 3 jyldan 4 jylǵa deıingi merzimge bas bostandyǵynan aıyrý jazasyn taǵaıyndady.