Ulttyq statısıka búrosy 2022 jylǵy IV toqsandaǵy jaǵaı boıynsha Qazaqstan ekonomıkasynyń ártúrli salalarynda 9 mln adam jumyspen qamtylǵanyn habarlady.

Olardyń 6,9 mln-y (76,7%) jaldamaly qyzmetker bolsa, 2,1 mln adam (23,3%) ózin-ózi jumyspen qamtýshylar.

Aptasyna naqty jumys istegen saǵattar jaldamaly qyzmetkerler arasynda 41 saǵat, ózin-ózi jumyspen qamtýshylar arasynda 34 saǵatty quraǵan.

"Tolyq jumyspen qamtylmaǵandar (jumys kóleminiń tómendeýine, jumys berýshiniń bastamasy boıynsha, syrǵymaly jumys kestesine jáne basqa da sebeptermen az jumys istegender) sany aldyńǵy toqsanmen salystyrǵanda 9,9% ósip, 268,9 myń adamdy, jumyssyzdar sany 456,1 myń adamdy qurady. Jumyspen qamtý organdarynda 2023 jylǵy qańtar aıynyń sońyna 212,1 myń jumyssyz resmı tirkelgen. Olar jumys kúshiniń 2,3%-y" delingen búro aqparatynda.

Ózin-ózi jumyspen qamtyp otyrǵandarǵa mal ustap, az-kem jerge dán egetindep, usaq saýdada júrgender, bala baǵýshylar, daıashylar, taksı qyzmetin usynatyndar jatady. Olardyń zeınetaqy jınaǵyna jarna aýdarylyp jatpaǵandyqtan, keıin alatyn zeınetqy mólsheri salystyrmaly túrde tómen bolady.