Túrkıadaǵy jer silkinisinen keıin Gazıantep prvınsıasyndaǵy Nurdaǵy qalasy tolyǵymen súriletin boldy.  Bul týraly gýbernatordyń mindetin atqarýshy Osman Bılgın málimdegen. 

Sheneýnik qazir sońǵy 8 úıde izdeý-qutqarý jumystary júrgizilip jatqanyn aıtty. Sodan keıin qala tolyqtaı súrilip, ǵımarattar qaıta salynatyn bolady. 

"Biz úlken apatty bastan ótkerdik. Qala qurylysy mınıstri Kýrýmmen birge sheshim qabyldadyq. Barlyq qoqysty tazalap, qalany tolyq súremiz, 100 paıyz. Qala qaıta salynady. Biz kóp adamnan aıyrylyp qaldyq. Degenmen bul apatqa da shamamyz kelgenshe qarsy turamyz", - dedi Bılgın.

Túrkıa men Sırıadaǵy zilzaladan beri 8 kún ótti. Resmı aqparat boıynsha, eki elde qaza tapqandardyń sany 37 myńnan asqan. Túrkıada 31 643 adamnyń máıiti tabylsa, Sırıada 4 614 adamnyń ólgeni rastaldy.