Zańger Anna Dımıtrıevıch kúıeýin Qazaqstannyń eńbek sińirgen jattyqtyrýshysy Dáýlet Turlyhanovtyń uly soqqyǵa jyqqanyn aıtyp shaǵymdandy.

Zańgerdiń sózinshe, kúıeýi ekeýi taksıge mingeli jatqanda beıtanys jigit júgirip kelip, áldekim bir qyzdy uryp jatqanyn aıtyp, kómek suraǵan. Kómektesýge barǵanynda qyzdy uryp jatqan jigit ózderin bas salǵan.

"Oleg soqqydan qulap qaldy. Ornynan turaıyn degende, tebe jóneldi. Kúıeýimniń basyn fýtbol doby sekildi tepti. Ony toqtatýǵa tyrysqanymda ózimdi meni de uryp, onyń soqqysynan asfáltqa ushyp túsip, esimnen tanyp qaldym. Esimdi jıǵan kezde polısıa qyzmetkerleriniń kelgenin baıqadym. Keıin onyń dostary qosylyp, polıseılerdiń kózinshe Olegke qoqan-loqy kórsetip jatty. Artynsha álgi jigit tanymal sportshy Dáýlet Turlyhanovtyń uly Nurasyl ekenin bildim. Olar keshirim suraıtyn shyǵar dep oılaǵanmyn, olaı bolmady" dep jazdy zańger facebook paraqshasynda.

Almaty polısıasy soqqyǵa jyǵylǵan zańgerlerdiń aryzy boıynsha qylmystyq is qozǵalǵanyn habarlady. 

"Almaty qalalyq Polısıa departamenti atalǵan derek QR QK-niń 293-baby "Buzaqylyq" boıynsha sotqa deıingi tergeýdiń biryńǵaı tizilimine tirkelgenin habarlaıdy. Qylmystyq is boıynsha alǵashqy tergeý áreketteri júrgizilip, saraptamalar taǵaıyndaldy" delingen polısıa habarlamasynda.

Polısıa departamentiniń málimetinshe, kúdikti áskerı adam.