UQK shekara qyzmetiniń basshysy Erlan Aldajumanov Arqankergen oqıǵasy jónindegi qylmystyq istiń qaıta qaralýyna baılanysty pikir bildirip, jýrnalıser suraǵyna jaýap berdi.

Onyń aıtýynsha atalǵan qylmystyq is tolyǵymen tergelip, oıdaǵydaı júrgizilgen. Sondaı-aq sot sheshiminiń aqylǵa qonymdy bolǵanyn aıtty.

"Buǵan qatysty pikir bildirý artyq dep oılaımyn. Sol jyly qylmystyq is tergeldi. Tolyǵymen tekserý jumystaryn júrgizdik. Al qazir onyń (Chelahtyń - Red.) ne aıtqysy kelip otyrǵanyn bilmeımin. Tergeý tolyq júrgizildi. İs logıkalyq sońyna jetti. Qandaı da bir málimdemeler bolsa naqty ne týraly ekenin túsinip kórý qajet", dep pikir bildirdi Erlan Aldajumanov.

Budan bólek ol Arqankergen beketiniń qajettilikke saı jaz mezgilinde ashylýy múmkin ekenin aıtty.

2012 jyly Vladıslav Chelah Arqankergen shekara beketinde 15 adamdy óltirdi degen aıyppen ómir boıyna sottalǵan. Byltyr jeltoqsan aıynda Chelah prezıdent Qasym-Jomart Toqaevqa qaıyrylyp, tergeý prosesin qaıta júrgizýdi suraǵan. Ol 2012 jyly mamyrda 15 adamdy óltirmegenin, shekara beketine "shabýyl jasalǵanyn", ózin "zańsyz sottaǵanyn" jáne "shyndyqty ashýǵa daıyn" ekenin aıtqan.