Soltústik Qazaqstan oblysynyń ákimi Aıdarbek Saparov halyq arasynda qandaı mamandar suranysqa ıá ekenin aıtty, dep jazady Petropavlovsk.news. 

Aıdarbek Saparovtyń aıtýynsha bıyl oblysta 10 myń jumys orny ashylyp, 24 myń adamdy jumyspen qamtý josparlanǵan. 

Qazir SQO-daǵy zaýyttarda "tokar" men dánekerleýshi mamandary jetispeıdi. Sondyqtan oblys ákimi atalǵan mamandyqtar boıynsha qysqa merzimdi kýrstar uıymdastyryp, birinshi jartyjyldyqta maman jetispeýshiligin toqtatý tapsyrdy.

"Qurylys jumystaryna tas qalaýshylar jetispeıdi. Bul mamandyqty 2 aıda ıgerýge bolady. 1 metr jerge kirpish qalaý 18 myń teńge turady. 5 sharshy metr kirpish qalap, kúnine 90 myń tabýǵa bolady. Al bizge maman jetispeıdi. Mundaı mamandyqtar halyq arasynda keńinen nasıhattalýy qajet", dep málimdedi Aıdarbek Saparqulov. 

Soltústik Qazaqstanda halyqtyń 6%-ǵa jýyǵy kúnkóris deńgeıinen tómen jalaqy alady. Aýyldarda jumyssyzdyq deńgeıi artqan. Ásirese Maǵjan Jumabaev, Ǵabıt Músirepov, Esil jáne Aqqaıyń aýdandarynda jumyssyzdyq kóbeıgen.