Ortalyq saılaý komısıasy májilis saılaýyna majorıtarlyq tártippen ózin-ózi usynǵan ekonomıs Maqsat Halyqtyń kandıdatýrasyn tirkedi.
"Qurmetti dostar, saılaýǵa qatysýǵa kýálikti aldym. Endi alda úlken doda, jaratqan ózi jar bolsyn! Aınalamda bolyp jatqan úrdisterdiń kóptigi sonshalyq, qaı dosyma aıttym, qaı dosyma aıtpadym tipti esime túspeı jatyr. Degenmen habarlasyp, qasymnan tabylyp jatqan baýyrlarǵa myń alǵys", dep jazdy ekonomıs óziniń feısbýk paraqshasynda.
Maqsat Halyq eldegi belgili qazaqtildi ekonomıs. Ol Jetisý oblysy №17 saılaý okrýgine qujat tapsyrǵan. Depýtattardy tirkeý 18 aqpanǵa deıin jalǵasady. Ary qaraı bir aı úgit-nasıhat jumysy júredi. Májilis pen máslıhat depýtattarynyń saılaýy 19 naýryzǵa belgilengen.
