Almatyda memlekettik baǵdarlama boıynsha páter alyp berýge ýáde berip, turǵyndardy aldap kelgen adam ustaldy. Qazirgi ýaqytta kúdiktiniń 10 epızodqa qatysy bary anyqtalǵan. Polısıa aldaý áreketiniń qurbandary budan da kóp bolýy múmkin ekenin aıtady.
Polisia.kz portalynyń habarlaýynsha, kúdikti 31 jastaǵy kúdiktini Naýryzbaı aýdanynyń polısıa qyzmetkerleri ustaǵan.
B. esimdi azamat memlekettik baǵdarlama boıynsha páter satý týraly aqparat taratyp, turǵyndardan aldyn ala tólem somasy retinde 50 myń teńgeden 300 myń teńgege deıin aqsha alyp otyrǵan. Aqshany qolyna túsirgen soń, baıılanyssyz ketip otyrǵan.
"Bizdiń bólimsheniń krımınaldyq polısıa bóliminiń qyzmetkerleri kúdiktini ustady. QR QK-niń 190-baby 3-bóligine (Alaıaqtyq) sáıkes qylmystyq is qozǵaldy. Tergeý barysynda ustalǵan azamattyń osyǵan uqsas 10 epızodqa qatystylyǵy anyqtaldy. Kúdikti ýaqytsha ustaý ızolátoryna qamaldy. Aldanǵan adamdar odan da kóp bolýy múmkin. Osy oraıda azamattardy osy adamnyń sýretine muqıat qarap, ony tanyǵan jaǵdaıda myna telefondar arqyly habarlasýǵa shaqyramyz: 8-707-447-07-50; 8-701-707-77-10; 8-747-699-70-02" deıdi Naýryzbaı aýdandyq polısıa basqarmasynyń bastyǵy Muhamedáli Seısenuly.
Pikir qaldyrý