Meksıkanyń burynǵy qaýipsizdik mınıstri Djenaro Garsıa Lýna esirtki saýdasyna kináli dep aıyptalyp otyr. Ol Meksıkadaǵy eń iri qylmys toby – Sınaloa esirtki kartelinen mıllıondaǵan dollar jymqyrǵany úshin kináli dep tanyldy, dep jazdy bbc.com.

AQSH-tyń Tehas shtatynda qamaýǵa alynǵan Garsıa Lýna kinásin moıyndamady. 54 jastaǵy er adam ómir boıyna bas bostandyǵynan aıyrylýy múmkin. Ádilet mınıstrliginiń málimdemesine sáıkes, Garsıa Lýna keminde 20 jylǵa sottalady.

Qyzmetten ketkennen keıin AQSH-qa kóshken Garsıa Lýna AQSH-ta sottalýy múmkin eń joǵary laýazymdy meksıkalyq sheneýnik bolǵaly otyr.

"Sot úkimi AQSH pen Meksıka úkimetteriniń sybaılas jemqorlyq pen uıymdasqan qylmysqa qarsy kúresine qatty áser etedi» deıdi meksıkalyq brıtandyq jazýshy jáne meksıkalyq qylmys álemi boıynsha sarapshy Ioan Grıllo.

Garsıa Lýna ózine taǵylǵan aıyptardy joqqa shyǵardy.