Aqtóbe oblysynda iri jol apaty bolyp, bir otbasynyń tórt adamy qaza tapty. Bul týraly Polisia.kz saıty habarlady.

21 aqpan Mitsubishi Montero Sport avtokóliginiń júrgizýshisi Samara-SHymkent avtojolynyń 938 shaqyrymynda qarsy qozǵalysqa arnalǵan jolaqqa shyǵyp, qarsy baǵytta kele jatqan Volvo júk kóligimen soqtyǵysqan.

Mitsubishi avtokóliginiń júrgizýshisi, 29 jastaǵy áıel Áıteke bı aýdanynyń aýrýhanasyna jetkizilgen. Kólikte bolǵan 31 jastaǵy jolaýshy men onyń 2017, 2015 jáne 2020 jylǵy úsh balasy oqıǵa ornynda qaıtys boldy.

Atalǵan derek boıynsha qylmystyq kodekstiń 345-baby 4-bóligi (Abaısyzda eki nemese odan da kóp adamnyń ólimine ákep soqqan JQE buzý) saı, sotqa deıingi tergep-tekserý bastaldy.