Qańtar aıynda elde kámeletke tolmaǵandarǵa qatysty 227 qylmystyq quqyq buzýshylyq tirkelgen. Bul ótken jyldyń qańtar aıymen salystyrǵanda 32 paıyzǵa kóp, dep habarlady Ranking.kz portaly.

2022 jyldyń osy kezeńinde saladaǵy quqyq buzýshylyqtar sany jylyna 32,8% azaıyp, 172 bolǵan.

Óńirler boıynsha mundaı quqyq buzýshylyqtardyń basym bóligi Almaty oblysynda jasalǵan. Bir jyl buryn 18 is bolsa, qazir 25 is tirkelgen

Odan keıingi oryndarda Almaty qalasy (23 is, 2022 jyly 8) jáne Túrkistan oblysy (19 is, bir jyl buryn 20) tur. Atyraý men Jambyl oblystarynda árqaısynda 17 isten.

Kámeletke tolmaǵandarǵa qatysty qylmystyq quqyq buzýshylyqtardyń eń azy Ulytaý (3) jáne Abaı oblystarynda (4) tirkelgen.

Baptar boıynsha statısıka tómendegideı:

♦ «On alty jasqa tolmaǵan adammen jynystyq qatynas nemese seksýaldyq sıpattaǵy basqa da áreketter» baby boıynsha bir jyl buryn 25 is bolsa, qazir – 45 is;

♦ «Ózin-ózi óltirýge deıin jetkizý» – 24 is, bir jyl buryn 22 is;

♦ «Zorlaý» jáne «Seksýaldyq sıpattaǵy zorlyq-zombylyq áreketteri» baptary boıynsha árqaısysy – 20 is.

Qazaqstan BUU janyndaǵy Bala quqyqtary týraly konvensıanyń komýnıkasıa tártibine qatysty 3-fakýltatıvtik hattamasyna qol qoıǵan. Bul qazaqstandyqtarǵa balalar quqyǵynyń buzylǵany týraly BUU-nyń Bala quqyqtary jónindegi komıtetine shaǵym túsirýge múmkindik beredi.