Italıanyń ońtústiginde mıgranttar mingen qaıyq sýǵa ketip, 59 adam qaza tapty. Qaza tapqandardyń qatarynda jasqa tolmaǵan sábı bar. Qaıyq apaty Kalabrıanyń shyǵys jaǵalaýyndaǵy teńiz kýrorty Stekkato-Dı-Kýtr mańynda bolǵan, dep jazady BBC.
Qazir atalǵan aımaqta birneshe top jasaqtalyp, izdeý operasıasy júgizilip jatyr. Qutqarý jumystarynyń arqasynda 80 adam qutqarylǵan. 59 adamnyń máıiti tabylǵan.
Resmı derek boıynsha Iran, Aýǵanstan, Somalı men Pákistannan shyqqan júzge tarta bosqyn bir qaıyqqa minip, Italıa jaǵalaýyna toqtamaq bolǵan. Jaǵalaýǵa jaqyndaǵan kezde teńizde daýyl turyp, qaıyq sýǵa batyp ketken.
Italıanyń premer-mınıstri Djordjıa Melonı oqıǵany estigende qatty qaıǵyrǵanyn jáne mundaı apattarǵa adam saýdasymen aınalysatyn taraptar kináli ekenin málimdegen.
Pikir qaldyrý