Ortalyq saılaý komısıasy aldaǵy Májilis saılaýyna qatysatyn saıası partıalar arasynda ótetin saılaýaldy teledebattar týraly aıtty.
"Saılaý aldyndaǵy jaryssózderdi ótkizý tártibi men sharttary bekitildi. Ortalyq saılaý komısıasy Parlament Májilisi depýtattyǵyna kandıdattardyń partıalyq tizimin usynǵan saıası partıalardyń pikirsaıysyn ótkizý týraly tıisti sheshim qabyldady. Pikirsaıys uıymdastyrý maqsatynda Aqparat jáne áleýmettik damý mınıstrligimen tıisti telearnany anyqtaý boıynsha konsýltasıa júrgizildi", Ortalyq saılaý komısıasynyń múshesi Anastasıa Shegorsova
Onyń aıtýynsha, telearnanyń tehnıkalyq múmkindikteri men aýdıtorıan kólemine nazar aýdarylǵan.
"Mınıstrlik "Habar" memlekettik jalpyulttyq telearnasynyń efırinde saılaýaldy teledebattardy ótkizýdi usyndy. Telearna búkil el boıynsha telehabarlardyń keń aýqymynda habar taratady. Saılaý aldyndaǵy teledebattardyń kúnin 2023 jyldyń 16 naýryzyna belgileý usynyldy", - dedi ol.
Májilis pen barlyq deńgeıdegi máslıhattar depýtattarynyń kezekten tys saılaýy bıylǵy 19 naýryzda ótedi.
Pikir qaldyrý