Túrkıanyń shyǵys aımaǵyndaǵy Malatá prvınsıasynda 5,6 baldyq zilzala boldy, dep jazady Anadolu agenttigi. Túrkıa úkimeti janyndaǵy tótenshe jaǵdaılardyń aldyn alý jáne joıý basqarmasy (AFAD) jer silkinisi saldarynan 25 úıdiń qulaǵanyn habarlady.
Jer silkinisi jergilikti ýaqyty boıynsha saǵat 12:00-de shamamen 5 metrlik tereńdikte bolǵan. Resmı derekke súıensek, zilzaladan 1 adam mert bolyp, 69 adam jaraqat alǵan.
Apat bolǵan aımaqta qutqarýshylar jumys istep jatyr. AFAD halyqty zardap shekken ǵımarattardan alys bolýǵa shaqyrdy.
Túrkıadan bólek búgin Qytaı men Qyrǵyzstan shekarasynda 2 ret 5,6 baldyq zilzala bolǵany habarlandy.
Pikir qaldyrý