Qańtar aıynyń qorytyndysy boıynsha elde azyq-túlik bir aıda 1,4 paıyz, jyldyq mende 25,7 paıyz qymbattaǵan. Bul týraly energyprom.kz saıty habarlady.
Bir aıda azyq-túlik baǵasy Astana men Shymkentte aıtarlyqtaı (2,2%) qymbattaǵan. Jyldyq dınamıka boıynsha Mańǵystaý oblysynda azyq-túlik taýarlary birden 31, paıyzǵa ósken. Odan keıin Túrkistan oblysy (27,4% qymbattady) jáne Shymkentte (27,2%) qymbatshylyqtyń joǵary shegi tirkelgen. Baǵanyń eń tómengi ósimi Almaty oblysynda (23,8%) tirkelgen.
"Jemis pen kókónis bir aıda 4,5%, bir jylda 21,2% qymbattady. Sonyń ishinde jemis bir aıda 1,6%, bir jylda 19,7%, al kókónis bir aıda 10,2%, bir jylda 21% qymbattady. Jemisterdiń ishinde keptirilgen órik (62,3%, 4 myń teńgege deıin), banan (45,2%, 895 teńgege deıin), apelsın (30,5%, 1 myń teńgege deıin), alma (12,4%, 547 teńge deıin) jáne lımon (8,5%-ǵa, 1,2 myń teńgege deıin) qymbattady. Kókónisterdiń ishinde pıaz (62,4%, 143 teńgege deıin), qıar (55,6%, 1,1 myń teńgege deıin), qyzanaq (20,3%, 821 teńgege deıin), kartop (9,8%, 157 teńgege deıin), qyzylsha (1,9%, 242 teńgege deıin) jáne sábiz (1,2%, 149 teńgege deıin) qymbattady" delingen habarlamada.
Sút ónimderiniń baǵasy ótken aımen salystyrǵanda 1,2%-ǵa ósken. Et bir aıda 0,5%, bir jylda 16,9% qymbattaǵan.
Al un baǵasy bir aıda 0,7%, bir jylda 42,8%, nan bir aıda 0,3%, bir jylda 19,2%, makaron ónimderi bir aıda 0,9%, bir jylda 42,3%-ǵa ósken.
Pikir qaldyrý