Qazaqstanda bir aptada 2,7 myń shetel azamatyna zańsyz jumys berilgeni anyqtalyp, 471 jumys berýshi jaýapqa tartyldy. Bul týraly İshki isster mınıstrligi habarlady. 

"Segiz kúnde 9,2 myńnan astam kóshi-qon zańnamasyn buzý faktisi anyqtaldy. Keıde jumys berýshiler paıda tabý maqsatynda sheteldikterdi jumysqa zańsyz qabyldaıdy. Osylaısha óz azamattarymyzdy eńbek etý múmkindiginen aıyrady", - dep málimdedi İshki ister mınıstrliginiń ókili Shuǵyla Turlybek.

Almaty jáne Atyraý qalasyndaǵy qurylys nysandarynda 145 sheteldik zańsyz jumys istegen. Osyǵan uqsas faktiler Astana, Shymkent, Túrkistan jáne Shyǵys Qazaqstan oblystarynda tirkeldi. Qazir sotqa deıingi tergeý júrgizilýde.

Ustalyp, el aýmaǵynan shyǵarylǵan shetel azamattary  5 jylǵa deıin Qazaqstanǵa kire almaıdy.