Maslıhat saılaýyna úmitker Aıatjan Ahmetjanuly saılaýaldy úgit-nasıhatty jalǵastyra beretinin aıtty. 

"Saılaý komısıasy májilis pen máslıhatty ajyrata almaıdy! Meni saılaýdan shettetý týraly áńgimeni estigende osynda biraz jurt Qojanasyrdyń arqanǵa sý quıǵany týraly kúldirgini jazyp edi. Dál solaı boldy.
Mynaý sýret meni saılaýdan shettetý týraly qaýly. Qaýlyǵa qarasańyz Qazaqstan Respýblıkasy saılaý týraly zańnyń 89 babynyń 3-4 tarmaǵy boıynsha shettetken. Al bul baptyń máslıhatqa dym qatysy joq, májilis depýtatyna kandıdatqa arnalǵan bap. Al, men májiliske emes, máslıhatqa kandıdatpyn", dep jazdy Aıatjan Ahmetjanuly óziniń feısbýk paraqshasynda. 

Ol deklarasıa boıynsha memlekettik kirister departamentine shaǵym jazǵan. 

"Qazirge jaýap joq, árıne sozýǵa tyrsady ǵoı. Olardyń jaýabyn alsaq, birden joǵary sotqa jazamyz. Biraq, qaýlynyń ózi zańsyz bolsa... túsinikti shyǵar. Úgit násıhatty jalǵastyra beremin. Sebebi, bizde sotpen jeńýge tolyq múmkindik bar. Saılaýǵa sanaýly kún qaldy. Bir kún buryn qalǵanda kýáligimizdi qaıta berip, úgit júrgizip úlgermeı qalmas úshin úgitti qaıta kúsheıtemiz", dedi qoǵam belsendisi.