Búgin Syrtqy ister mınstrligi Aıbek Smadıarov Qytaıǵa barǵysy keletin qazaqstandyqtar úshin jańa talaptar engizilgenin habarlady. 

"Karantın kezinde barlyq el shekarasyn japqan edi. Biraq keıin keıbir elderde jeńildikter jasalsa, keıbirinde jańa talaptar engizildi. Qazaqstan azamattarynyń Qytaıǵa barýy jeńil bolsyn degen maqsatta jaqynda engizilgen jańa talaptardy jarıalaıtyn bolamyz", dep habarlady mınıstr. 

Byltyr shilde aıynda Qytaı men Qazaqstan arasynda vızasyz rejım kelisimi jasalǵan edi. Alaıda atalǵan rejım birjaqty jasalǵan. Naqtyraq aıtsaq, Qytaı azamattary 14 kún boıy Qazaqstan aýmaǵynda vızasyz júre alady. Al Qazaqstan azamatary Qytaıǵa barý úshin vıza ashtyrýǵa tıis.  Qamshy.kz aqparat agenttigi osy kelisimge baılanysty Syrtqy ister mınıstrligine resmı saýal joldady. "Kelisim nege birjaqty jasalǵan?", "Vızalyq talaptardan ózara bosatý úrdisiniń merzimi qansha?" jáne "Qos el azamattary ózge elde vızasyz qansha ýaqyt júre alady?" sekildi suraqtar qoıyldy. Alaıda mınıstrlik bul suraqtarǵa naqty jaýap bermedi. Tek  vızalyq tártipti jeńildetý elimizdegi ınvestısıalyq ahýaldy jaqsartyp, sheteldik seriktestermen aradaǵy  baılanysty nyǵaıtý úshin qajet ekenin atap ótti. 

Mınıstrliktiń habarlaýynsha QHR azamattary úshin 14 kúndik vızasyz bolý tártibi 2017 jyly "EKSPO-2017" halyqaralyq kórmesin ótkizý kezinde qoldanysta bolǵan 3 kúndik vızasyz tranzıt tájirıbesi negizinde belgilengen. 

"Qazirgi ýaqytta taraptarmen talqylanyp jatqan kelisim jobasy eki memleket azamattaryna tepe-teńdik qaǵıdatyna sáıkes azamattyq pasporttar ıelerine ózara vızasyz saparlarǵa jaǵdaı jasaýdy kózdeıdi. Qytaı tarapy óz kezeginde 2018 jyly Qazaqstandy Haınan ólkesine vızasyz kele alatyn elder tizimine engizdi. Haınan aralyna demalýǵa, týrızm nemese emdeý maqsatynda baratyn QR azamattary halyqaralyq ótkizý beketi arqyly vızasyz kirip, Haınanda 30 kúnge deıin bola alady", dep jazylǵan SİM jaýabynda.