Reseılik kemeler Sırıa terıtorıasyna Kaspııden bastap qanatty zymyrandarymen shabýyl jasady. Bul týraly «Qamshy» portaly euronews.com-ǵa silteme jasaı otyryp habarlaıdy. RF Qarýly kúshteriniń bas shtabynda bul soqqylardyń maqsatty obektileri «Islamdyq memleket» pen «Djebhat an-Nýsra» terrorlyq toptary ekeni aıtylǵan.

Sonymen qatar, Bashar Asadqa habarlanǵan aqparat boıynsha, ıslamısterge baǵyttalǵan jańa qurlyqtyq operasıa quryldy. Ol Hama jáne Idlıb provınsıalarynan bastaý alǵan kórinedi.

 «Reseı strategıasyn biz qate dep sanaımyz. Olar IM-ge jatpaıtyn obektilerge shabýyl jasaýyn áli kúnge toqtatar emes. Reseılikter aǵat pikirleri men Sırıadaǵy áskerı opersıalaryn toqtatpaıynsha, biz olarmen seriktestikke otyrmaımyz», - dep málimdeme jasady Amerıkanyń Qorǵanys mınıstri Eshton Karter.

Al, RF QM-niń resmı ókili Igor Konashenkov áriptesiniń pikirin qurǵaq ári dálelsiz dep sanaıtyndyǵyn aıtty.