Búgin 2000 jyldyq tarıhy bar Taraz qalasyna «Qazaq handyǵynyń 550 jyldyq» mereıtoıy bastaldy. Toıǵa elimizdiń ishi- syrtynan 5 myńnan astam arnaıy qonaq kelgen. Kelgen meımandarmen birge Qazaq eliniń búkil zıaly qaýym ókilderi aldymen Qazaq handyǵynyń 550 jyldyǵyna arnalǵan monýmenttiń saltanatty ashylýynyń kýási boldy. 8-9- qazan eki kúnge jalǵasatyn uly toıda ótetin is- sharalar tizbegi kelesideı:
- Balasaǵun ortalyq konsert zalynda "Máńgilik el" halyqaralyq aqyndar aıtysy ótedi. Oǵan elimizden jáne Qytaı, Monǵolıa elderinde turatyn qandastarymyzdan quralǵan 26 aqyn qatysady.
- "Kóne Taraz" arhelogıalyq parki men mýzeıiniń ashylý saltanaty ótedi
- Jambyl oblystyq qazaq drama teatrynda handyqtyń 550 jyldyǵyna arnaıy daıyndaǵan «Qazaqtar» atty tarıhı-dramasynyń tusaýkeser qoıylymy kórsetiledi.
- 9-qazan kúngi merekelik is-sharalar legi Ortalyq stadıondaǵy "Qıly jol" atty dramalyq qoıylym jáne Gala-konsertpen tıanaqtalady.
- Ulttyq sport túrleri qaýymdastyǵy jáne Jambyl oblysy ákimdiginiń uıymdastyrýymen báıge túrlerinen jarys júrgiziledi. Iaǵnı, eldiktiń toıynda "Uly dala oıyndary" ótpek. «Atshabar» ıpodromynda Jambyl oblysynda da, Qazaqstanda da alǵash ret at polosy boıynsha klýb ashylady.
Qazaq handyǵynyń 550 jyldyǵyna arnalǵan monýmentti Elbasy Nursultan Nazarbaev saltanatty túrde ashty. Al, "Kóne Taraz" arhelogıalyq parki men mýzeıiniń ashylý saltanatyna QR-nyń Mádenıet jáne sport mınıstri Arystanbek Muhamedıuly men Jambyl oblysy ákiminiń orynbasary Erqanat Manjýov ta qatysady dep kútilýde.
«Qamshy» silteıdi
